ကင်မ်ဂျွန်းထယ်ဒီမိုကရေစီဆုရငွေ မြန်မာပြည်အတွက်လှူဒါန်းမယ်လို့ မပန်ဆယ်လိုပြော
~~~
■ တောင်ကိုရီးယားနိုင်ငံမှာအခြေစိုက်တဲ့ ကင်မ်ဂျွန်းထယ်ဖောင်ဒေးရှင်း (Kim Geun Tae Foundation) က ခုနစ်ကြိမ်မြောက် ပေးအပ်တဲ့ဆုကို မြန်မာပြည်ဒီမိုကရေစီအရေးလှုပ်ရှားသူ မပန်ဆယ်လိုကို ချီးမြှင့်လိုက်တယ်လို့ ဒီဇင်ဘာလ ၂၅ ရက်နေ့စွဲနဲ့ ကြေညာလိုက်ပါတယ်။
ဆုပေးပွဲကို တောင်ကိုရီးယားနိုင်ငံ ဆိုးလ်မြို့မှာ ဒီဇင်ဘာလ ၂၉ ရက်နေ့ ကျင်းပမှာဖြစ်ပြီး အမေရိကန် ပြည်ထောင်စုမှာ နေထိုင်တဲ့ မပန်ဆယ်လို ကိုယ်တိုင်မတက်ရောက်နိုင်ပါဘူး။ ဒါကြောင့် သူ့ကိုယ်စား ဆိုးလ်မြို့မှာနေထိုင်တဲ့ မြန်မာ့အရေးတက်ကြွလှုပ်ရှားသူ မရွှေမိုး က တက်ရောက် လက်ခံမှာ ဖြစ်ပါတယ်။ ဒီဆုအတွက်ချီးမြှင့်မယ့် ကိုရီးယားဝမ်ငွေ သိန်း ၁ဝဝ၊ မြန်မာငွေနဲ့ဆို ၁၆၅ သိန်းကျော်လောက်ရှိတဲ့ဆုငွေကို မိမိကိုယ်ကျိုးအတွက် တစ်စုံတစ်ရာသုံးစွဲမှာမဟုတ်ဘဲ မြန်မာ့ဒီမိုကရေစီအရေးအတွက် လှူဒါန်းမယ်လို့ မပန်ဆယ်လို က RFA ကိုပြောပါတယ်။
မပန်ဆယ်လို ကို RFA ဝိုင်းတော်သား ဦးခင်မောင်စိုး ဆက်သွယ်မေးမြန်းထားပါတယ်။။
____________
Subscribe ▶ bit.ly/2ajgBxf
မိုဘိုင်းအက်ပ် ▶ smarturl.it/RFAburmeseapp
ဝဘ်ဆိုက် ▶ www.rfa.org
ဖေ့စ်ဘွတ်ခ် ▶ / rfaburmese
တွစ်တာ ▶ / rfaburmese
(လွတ်လပ်တဲ့အာရှအသံရဲ့ တာဝန်နဲ့ရည်ရွယ်ချက်ဟာ သက်ဆိုင်ရာအစိုးရတွေရဲ့ ပိတ်ပင်ဟန့်တားမှုတွေကြောင့် သတင်းလွတ်လပ်ခွင့်မရှိတဲ့ အာရှနိုင်ငံတွေအတွက် တိကျမှန်ကန်တဲ့ သတင်းအချက်အလက်တွေ ထုတ်လွှင့်ပေးဖို့ ဖြစ်ပါတယ်။)
27 дек 2022