ကျောင်းကန်တင်းက ကြာဆံသုပ် 

ကျောင်းကန်တင်းက ကြာဆံသုပ်
ဒီနေ့တော့ အတိတ်ကို ပြန်လွမ်းမိလို့ အချဉ်ရည်ရွှဲရွှဲနဲ့ သုပ်တဲ့ ကြာဆံသုပ်လေး သုပ်စားဖြစ်ပါတယ်။
အဖြူ ၊ အစိမ်းဝတ် ကျောင်းတက်ရတုန်းကတော့ မနက်ဆို ကန်တင်းမှာ ဘာစားမလဲဆိုတာ မနက်တိုင်း ရွေးရတဲ့ ခေါင်းစဉ် တစ်ခုပါပဲ။
ကန်တင်းမှာ လူကျနေတဲ့ အချိန်၊မုန့်စားဆင်းချိန်တွေမှာ အန်တီဝဝကြီးရဲ့ ဇလုံအကြီးထဲ ငရုတ်အချဉ်ရည်ရွှဲရွှဲထည့်နယ်ပြီးမှ ကြွေပန်းကန်တွေထဲ ပြန်ခွဲထည့်ပေးတဲ့ ကြာဆံသုပ်လေးကို သတိရမိလို့ အချဉ်ရည် သေချာဖျော်ပြီး ကြာဆံသုပ်လေး သုပ်စားဖြစ််တယ်။
ကျောင်းကန်တင်းက ကြာဆံသုပ်ရဲ့ အဓိက အချက်ကတော့ အချဉ်ရည် ရွှဲရွှဲနဲ့ ငရုတ်သီး အကျက်မှုန့် မွှေးမွှးရောနယ်လို့ ထွက်လာတဲ့ အနံ့ပါပဲ။
အချဉ်ရည်ကို စဖျော်ပါမယ်။
ငရုတ်ဆီထဲ ငံပြာရည် ထန်းညက်ရည် မန်ကျည်းရည်တို့ကို ထည့်ဖျော်ပြီး လိုသလို ချဉ်ငံစပ်ကို ချိန်ဆပါ။
ကန်တင်းမှာ‌တော့ ကြာဆံထဲကို ဂေါ်ဖီလှီးထည့်ပြီး ပုစွန်ခြောက်မပါဘဲ အချိုမှုန့်နဲ့ သုပ်တာပေါ့နော်။
ဂေါ်ဖီကဈေးကြီးနေတော့ မဝယ်ဖြစ်လို့ သခွားသီး ၊
ဆလပ်ရွက်ကို ပါးပါးလှီးပြီး ထည့်သုပ်ထားတာပါ။
အိမ်စားမလို့ ပုစွန်ခြောက်မှုန့် ကိုလည်း ထည့်ထားတော့ ပို‌အရသာရှိတာပေါ့နော်။
ပဲကျက်မှုန့်ရယ် ပုစွန်ခြောက်မှုန့်ရယ် အရသာစပ်ထားတဲ့ အချဉ်ရည်ရယ် ဆီချက်ရယ် လှီးထားတဲ့ အသီးအရွက်ရယ် ကြာဆံရယ် ရောနယ်ရုံပါပဲ။
ငရုတ်သီး အကျက်မှုန့် မွှေးမွှေးလေးရယ် သခွားသီးရဲ့ အချဉ်ရည်နဲ့ ရောနယ်လိုက်ရင် ထွက်လာတဲ့ အနံ့ရယ်နဲ့ တင် ဗိုက်ကဆာနေပြီ။
ချီလီကတော့ ကြာဆံသုပ်ဆို သခွားသီးလေးပါမှ ကြိုက်တယ်။
ကဲ .. ကလေးဘဝ အလွမ်းပြေ .. ကျောင်းကန်တင်းက ကြာဆံသုပ်လေး ရပါပြီ ။
#foodblog #cookingblog #fyp #easyrecipe #fypシ゚ #FoodLover #spicy #vermicelli #vermicellisalad #ကြာဆံသုပ် #ကျောင်းကန်တငိး
Follow my journey and be part of my story.
Instagram: www.instagram....
RU-vid:
/ @hotchilli84
TikTok:
www.tiktok.com...
Facebook:
www.facebook.c...