စက်ရုံကလပ်မှလက်ဝှေ့ကျော်ဟောင်းကြီးတွေကို ဖြတ်သန်းနိုင်ခဲ့ဖူးတဲ့ ကျော်စွာဝင်းဟာ ဒီတခါမှာတော့ အကြီးဆုံးတန်းက ရှူးခလိန်းမင်းနဲ့ ထိုးမလားဆိုပြီး တွဲဆိုင်းကပ်ခံလိုက်ရပါတယ်။ ဆိုတော့ ရှူးခလိန်းမင်းအနေနဲ့ စီနီယာတွေတင်ထားတဲ့ရှုံးကြွေးတွေကို ပြန်ဆပ်ပေးဖို့အခွင့်အရေးလား။ ကျော်စွာဝင်းအတွက်က စက်ရုံက သပြေညို ကျားပေါက် အောင်ခိုင်တို့ပြီးရင် ထပ်မံတွေ့ရတဲ့ ရှူးခလိန်းမင်းပဲဖြစ်ပါတယ်။ သွေးသစ်ဝင်းလှိုင်က သရေရလာဒ်အဖြေသာ ထုတ်ထားဖူးသူ ရှူးခလိန်းမင်းကို ကျော်စွာဝင်းနိုင်တယ်ဆိုရင် အနာဂါတ်ချန်ပီယံ ဘာညာဆိုတဲ့ ထင်ကြေးတွေဟာ ပိုမိုကျယ်လောင်သွားတော့မှာပါ။ ရွှေခါးပတ် ချန်ပီယံ ဝါရင့်ချင်းတူပေမယ့် လက်ရည်ကျသွားပြီလား ထင်ကြေးနဲ့ ကျားပေါက်ကို သွားရှုပ်လို့မရပါဘူး။ ဒါကိုသွေးသစ်မောင်တယောက် ဘယ်လိုပြင်ဆင်ခဲ့ပြီး စီနီယာကြီးကို ရင်ဆိုင်တော့မှာလဲ။ အခုလိုစိတ်ဝင်စားစရာခေါင်ပွဲကြမ်းကြီးနှစ်တွဲနှင့် အခြားတွဲဆိုင်းများ စုစုပေါင်း ၉ ပွဲကို အားပါးတရကြည့်ရပါတော့မယ်။ ကစားသမားတွေဖြတ်သန်းခဲ့တဲ့ပွဲကောင်းခြေရာဟောင်းများကို ပြန်လည်တူးဆွပြီး ပွဲစီစဉ်သူ ANS FIGTH#2 ရဲ့ တွဲဆိုင်းတွေကို ဖော်ညွှန်းတင်ဆက်လိုက်ရပါတယ်.
21 авг 2024