ကြည့်လှည့် ပီလခတ် စတုဒီသာတရက် ဘယ်လောက်ထိ ချက်ပြုတ်ရသလဲ 

ဘုရားကျောင်းကို လာသမျှ ဧည့်ပရိသတ်ကို အခုလို ကျွေးမွေးနိုင်ဖို့ တရက်တရက် ဘယ်လောက်ထိ ချက်ပြုတ်ရသလဲ၊ ချက်ပြုကျွေးမွေးရေးနောက်ကွယ်ကလူတွေ ဘယ်လောက်ထိ အပင်ပန်းခံပြီး လုပ်ကိုင်ရသလဲဆိုတာ ဒီဗီဒီယိုမှာ တွေ့မြင်နိုင်ပါတယ်။
ပီလခတ် ဟိန္ဒူဘုရားကျောင်းဟာ ရန်ကုန်တိုင်းဒေသကြီး ကျောက်တန်းမြို့နယ်၊ ပီလခတ်ကျေးရွာမှာတည်ရှိပြီး မြန်မာနိုင်ငံရဲ့ အကြီးဆုံး ဟိန္ဒူဘုရားကျောင်းကြီးဖြစ်ပါတယ်။
သက်တမ်းအားဖြင့်လည်း နှစ်ပေါင်း ၁၆၀ ကျော်ရှိတဲ့ ရှေးဟောင်းဘုရာကျောင်းကြီးဖြစ်ပါတယ်။
ပီလခတ်ဘုရားကျောင်းမှာ အရပ် ၄ မျက်နှာက အယုတ်အလတ်အမြတ်မရွေး မည်သူ့ကိုမဆို စတုဒီသာထမင်း နေ့စဉ် ကျွေးမွေးနေတာပါ။
စတုဒီသာထဲမှာတော့ သီးစုံပဲကုလားဟင်းတမယ်၊ အရွက်ကြော်တမျိုး၊ အားလူးဟင်းတမယ်နဲ့ ထမင်းမြိန်စေတဲ့ ခရမ်းချဉ်သီး ငပိချက်လည်းပါပါတယ်။
မြန်မာနိုင်ငံတဝန်းမှာ ဟိန္ဒူဘုရားကျောင်းတွေ အများအပြားရှိတဲ့အနက် ပီလခတ်ကျောင်းဟာ တရက်မပြတ် စတုဒီသာကျွေးနေတဲ့ တခုတည်းသော ထူးထူးခြားခြား ဟိန္ဒူဘုရားကျောင်းဖြစ်ပါတယ်။