ငပလီကမ်းခြေနဲ့ သံတွဲမြို့ကို AA စီးနင်းထား (ရုပ်/သံ)
စောမေရီ၊ ဇွန် ၂၅၊ ၂၀၂၄
ရခိုင်ပြည်နယ်တောင်ပိုင်းမှာရှိတဲ့ ငပလီကမ်းခြေ အပါအဝင် သံတွဲမြို့နဲ့ သံတွဲလေဆိပ်ကို အာရက္ခတပ်တော် (AA) က စီးနင်းထားလိုက်ပြီ ဖြစ်တယ်လို့ မြေပြင်သတင်းရင်းမြစ်တွေက ဧရာဝတီကို ပြောပါတယ်။
ငပလီကမ်းခြေဟာ မြန်မာနိုင်ငံရဲ့ အလှဆုံးကမ်းခြေတွေထဲမှာ ထင်ရှားတဲ့ ကမ်းခြေတခုဖြစ်ပြီး သံတွဲမြို့ကတော့ မြို့နယ်ရုံးတွေအခြေစိုက်ထားတဲ့ မြို့ဖြစ်သလို စစ်ကောင်စီ အတွက်ရော AA အတွက်ပါ စစ်ရေးအရ အရေးပါတဲ့ မြို့ဖြစ်ပါတယ်။
သံတွဲ၊ ငပလီနဲ့ သံတွဲလေဆိပ် လမ်းကြောင်းတလျှောက်ဟာ စစ်ကောင်စီ အတွက် စစ်လက်နက်နဲ့ ရိက္ခာသယ်ယူပို့ဆောင်ရေးမှာ အဓိက အရေးပါပြီး ရခိုင်တောင်ပိုင်း စစ်မျက်နှာမှာ စစ်ကောင်စီ အားထားရတဲ့ စစ်ရေးလမ်းကြောင်းတွေ ဖြစ်ပါတယ်။
ဒါ့အပြင် AA ရဲ့ မဟာမိတ်တပ်ဖွဲ့တွေရှိရာ ဒေသတွေကို လွတ်လပ်စွာ သွားလာနိုင်မှာဖြစ်ပြီး ကြံခင်းမြို့ အောက်ဖက်အခြမ်း၊ သာပေါင်း၊ ဟင်္သာတ အပါအဝင် ဧရာဝတီတိုင်းတခွင်မှာ လွတ်လပ်စွာ စစ်ရေးလှုပ်ရှားနိုင်မှာ ဖြစ်တယ်လို့ ဆိုပါတယ်။
---------------------------------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: bit.ly/3btQYpR
25 июн 2024