အာဏာသိမ်းစစ်တပ်က သူတို့ အမှုပေါင်းများစွာ တည်ဆောက်ပြီး ပုဒ်မအမျိုးမျိုး တပ်လို့ ထောင် အနှစ် ၃၀ ကျော် ချထားတဲ့ ဒေါ်အောင်ဆန်းစုကြည်ကို အကျဥ်းထောင်ထဲ မထားတော့ပဲ၊ ပြင်ပ နေအိမ်တစ်ခုမှာ ရွှေ့ပြောင်းထားလိုက်ပြီလို့ သိထားရပါတယ်။ အခုဆိုရင် နိုင်ငံတကာ အစိုးရကိုယ်စားလှယ်တွေ၊ သံတမန်တွေဟာ ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ ကြိုးစား နေကြပါတယ်။
စစ်ကောင်စီဘက်က အခုလို ခြေလှမ်းမျိုး ဘာ့ကြောင့် လှမ်းလာရတာလဲ ... ဒေါ်အောင်ဆန်းစုကြည် ထံကနေ တွေ့ဆုံ ဆွေးနွေး အဖြေရှာရေးလမ်းကို လိုက်ကြဖို့ တိုက်တွန်းသံ ထွက်လာမလား ... အဲဒီလို ပြောလာခဲ့ပြီ ဆိုရင် ဒီမိုကရက်တစ် အင်အားစုတွေရဲ့ ပြည်တွင်းပြည်ပ လက်ရှိ လှုပ်ရှားမှုတွေ အပေါ် ဘယ်လို သက်ရောက် ရိုက်ခတ်နိုင်လဲ ...
အမျိုးသား ညီညွတ်ရေး အစိုးရ NUG အနေနဲ့ရော ဒီ အခင်းအကျင်းမျိုး ပေါ်ပေါက်လာနိုင်တယ် ဆိုတာမျိုးကို တင်ကြို တွက်ဆထားတာမျိုး၊ ဘယ်ပုံ ဘယ်နည်းနဲ့ တုန့်ပြန်ကိုင်တွယ်မယ်လို့ အစီအစဥ် ချမှတ်ထားတာမျိုးတွေ ရှိလား ..... စတာတွေကို ဒီတစ်ပတ် ကျယ်ကျယ်ပြန်ပြန့် သုံးသပ် ဆွေးနွေးသွားမှာ ဖြစ်ပါတယ်။
ဒီတစ်ပတ် ပါဝင်ဆွေးနွေးကြသူတွေကတော့ .... အမျိုးသား ညီညွတ်ရေး အစိုးရ NUG ရဲ့ သမ္မတရုံး ပြောခွင့်ရ ဦးကျော်ဇောနဲ့ နိုင်ငံတကာ လူ့အခွင့်အရေး စောင့်ကြည့်ရေး အဖွဲ့ HRW နဲ့ အာရှဖောင်ဒေးရှင်းတို့မှာ အဆင့်မြင့်တာဝန်တွေ ယူခဲ့ပြီး၊ မြန်မာ့အရေးကို ဆယ်စုနှစ်အဆက်ဆက် အနီးကပ် စောင့်ကြည့် လေ့လာနေတဲ့ မြန်မာ့အရေး ကျွမ်းကျင်သူ ဒေးဗစ် မက်သီဆန်တို့ ဖြစ်ပါတယ်။
ဘီဘီစီ သတင်းထောက် ကိုဝေဖြိုး စီစဥ်တင်ဆက်ထားပါတယ်။ #ဘီဘီစီမြန်မာပိုင်း #သတင်းမြင်ကွင်း
28 авг 2024
