"ကျွန်တော့မိန်းမ ကိုယ်ဝန်ရပြီးတလမှ ရှေ့တန်းကို မဲပေးတဲ့ကာလမှ ဒိုးသွားတာ။ကျွန်တော့သမီးလေး မွေးပြီးတော့ ခေါင်းထူတဲ့ အရွယ်ကျမှ ရှေ့တန်းက ပြန်ဆင်းရတာ။ ကိုယ့်မိသားစုနဲ့ အတူတူ မနေရတော့ ဘာထူးမှာလည်းလေ။ အဲစစ်ပွဲကြီးနိုင်တယ် ထားလိုက်ဦး။ နိုင်ရင်တောင်မှ အဲဒီစခန်းကုန်းမှာ နေရဦးမှာ။ဒီလိုပဲ ပေကပ်ပြီးတော့နေရဦးမှာ"
PEN47 / သြဂုတ် - ၁၂
အကြမ်းဖက်စစ် စစ်ကောင်စီလက်အောက်ကနေကရင်ပြည်နယ် တပ်မဟာ ၆ ရှိ KNU ရှိရာသို့ အလင်းဝင်လာတဲ့ တပ်သားစိုး၀င်းဟာ မကြာခင်ကပဲ လုံခြုံစိတ်ချရတဲ့ နေရာတခုကို ရောက်ရှိလာခဲ့ပြီ ဖြစ်ပါတယ်။
စစ်ကောင်စီရဲ့ တပ်မ (၄၄) ခမရ(၂)က တပ်သားစိုး၀င်းအပါအဝင် ၄ ဦးဟာ စစ်ကောင်စီတပ်က စွန့်ခွာလာကာ ပြည်သူ့ရင်ခွင့် သို့ နားခိုလာတာဖြစ်ပြီး တပ်သား စိုး၀င်းရဲ့ ပြောကြားချက်ကို ဖော်ပြလိုက်ပါတယ်။
မြ၀တီ ဝေါ်လေလမ်း အနီးတဝိုက်မှာ ကော်ဘရာစစ်ကြောင်းနဲ့ စစ်ကောင်စီတပ်တွေတိုက်ပွဲ ပြင်းထန်နေပြီး အကြမ်းဖက် စစ်ကောင်စီတပ်ကအထိအခိုက်အကျအဆုံးများနေလို့ စစ်ကောင်စီတပ်ကိုစွန်ခွာပြီး KNU ထံလာရောက်ခိုလှုံသူတွေလည်းများပြား လာနေပါတယ်။
6 окт 2024
