စားတော်ပဲပြုတ် 

စားတော်ပဲပြုတ်
အခုစားတော်ပဲပြုတ်နည်းနဲ့ အိစံအိမ်မှာလုပ်စားတာ ၅ နှစ်ကျော်လောက်ရှိပါပြီ။ တလကို အနည်းဆုံး ၁ ခါလောက်လုပ်စားဖြစ်ပါတယ်။ ဟိုးအရင်တုန်းကတော့ အခြားနည်းလေးတွေနဲ့ စားတော်ပဲပြုတ်စားတာအခုနည်းလေးလောက် အဆင်မပြေခဲ့ပါဘူး။ အခုနည်းလေးကတော့ အိစံအမရဲ့ သူငယ်ချင်းဖြစ်တဲ့ မကူးကူးက ပေးတဲ့နည်းလေးပါ။ ဒီနည်းလေးနဲ့အရမ်းအဆင်ပြေနေလို့ မကူးကူးကိုလဲ ကျေးဇူးတင်ပါတယ်လို့။ အိစံလိုမျိုး အဆင်ပြေပြေနဲ့ စားတော်ပဲပြုတ်စားချင်ရင်ဒီVideo လေးကိုကြည့်ပြီးလိုက်လုပ်ကြည့်နော်။
ပါဝင်သောပစ္စည်းများ
၁။ စားတော်ပဲ (whole yellow peas) - ၅၀ ကျပ်သား (သို့) ၂ ပေါင်
၂။ ဆား - လက်ဖက်ရည်ဇွန်း ၂ ဇွန်း
၃။ သကြားအညို - လက်ဖက်ရည်ဇွန်း ၂ ဇွန်း (သို့) ထန်းလျက်ခဲ - ၂ ခဲ
၄။ Baking soda - လက်ဖက်ရည်ဇွန်း ၃ ဇွန်း
၅။ Goody နေကြာဆီ - ခွက်တဝက် (သို့) ထမင်းစားဇွန်း ၈ ဇွန်း
၆။ ရေ - ၁ ခွက် နှင့် ခွက် လေးပုံ ၃ ပုံ (သို့) ထမင်းစားဇွန်း ၂၈ ဇွန်း
(၁ ခွက် = 240 ml = ထမင်းစားဇွန်း ၁၆ ဇွန်း)
(လက်ဖက်ရည်ဇွန်း ၁ ဇွန်း = 1 teaspoon = 5 ml)
(ထမင်းစားဇွန်း ၁ ဇွန်း = 1 tablespoon = 15 ml)