ထီးချိုင့်မြို့နယ်၊ မြတောင်စခန်းကို KIA၊ ABSDF၊ PDF တပ်ဖွဲ့များပူးပေါင်းတိုက်ခိုက်သိမ်းပိုက် 

D Day News
စက်တင်ဘာလ ၁
စစ်ကိုင်းတိုင်း၊ ထီးချိုင့်မြို့နယ်၊ မြတောင်ရွာရှိ အကြမ်းဖက် စစ်တပ် စခန်းကို KIA ၊ ABSDF၊ PDF တပ်ဖွဲ့များပူးပေါင်းကာ သိမ်းပိုက်ရရှိခဲ့ကြောင်း ABSDF က ထုတ်ပြန်ထားသည်။
ပြီးခဲ့သည့် ၂၁ ရက် နံနက်ပိုင်းက စတင်၍ ထီးချိုင့်မြို့နယ်၊ မြတောင်ရွာရှိ အကြမ်းဖက် စစ်တပ် စခန်း ကို KIA ၊ KPDF နှင့် ABSDF တပ်ဖွဲ့များပူးပေါင်းပြီး ထိုးစစ်ဆင်တိုက်ခိုက်ခဲ့ရာ ဩဂုတ်လ ၂၃ ရက်နေ့ ညနေ ၄ နာရီခန့်တွင် အပြီးသတ် တိုက်ခိုက် သိမ်းပိုက်နိုင်ခဲ့ပြီး လက်နက်ခဲယမ်းများစွာ သိမ်းဆည်း ရရှိကြောင်းသိရသည်။
ယင်း စခန်းကို တိုက်ခိုက် သိမ်းပိုက်ပြီးနောက် အကြမ်းဖက်စစ်ကောင်စီတပ်မှ ဗျူဟာမှူးနှင့် စစ် ကောင်စီတပ်သား အများအပြားစခန်းစွန်ခွာထွက်ပြေးသွားခြင်းဖြစ်ပြီး ထိုသို့ ထွက်ပြေးသွား သော အကြမ်းဖက်စစ်ကောင်စီတပ်သားများ ဖမ်းဆီးရရှိမှု၊ ထိခိုက်သေဆုံးမှုနှင့် လက်နက်သိမ်းဆည်း ရရှိမှုအရေအတွက်များကို ABSDF က ထုတ်ပြန်ထားခြင်းမရှိပေ။
အဆိုပါ အကြမ်းဖက်စစ်ကောင်စီတပ်စခန်းကို အမှတ် (၁) စစ်ဒေသ ညွှန်ကြားချက်အရ ABSDF ကျောင်းသားတပ်မတော် Column-2 လှုပ်ရှားစစ်ကြောင်းနှင့် မဟာမိတ် တပ်ပေါင်းစုများ ဟန်ချက် ညီညီ တိုက်ခိုက်သိမ်းပိုက်ခဲ့ခြင်းဖြစ်ကြောင်း ABSDF က ထုတ်ပြန်ထားသည်။
Wesite Link -
Telegram Link - t.me/ddaynewsm...
Twitter Link - / ddaynews124968
နွေဦးတော်လှန်ရေး ရုပ်သံသတင်း၊ သီချင်းများကို / ddaynews
RU-vid Channel တွင် ဝင်ရောက်ကြည့်ရှုပေးကြပါရန် မေတ္တာရပ်ခံပါသည်။
#အရေးတော်ပုံအောင်ရမည် #စစ်အာဏာရှင်စနစ်ကျဆုံးပါစေ #RejectMilitaryCoupMyanmar #ထီးချိုင့်မြို့နယ် #အကြမ်းဖက်စစ်တပ် #ABSDF #PDF #ddaynews