စစ်ကိုင်းတိုင်း၊ ကန့်ဘလူမြို့နယ် အနောက်တောင်ဘက်မှာရှိတဲ့ ကျောက်တိုင်နဲ့ ကျီစုရွာတွေကို အာဏာသိမ်း စစ်ကြောင်းက မတ်လ ၅ ရက်နေ့ညကတည်းက လက်နက်ကြီးတွေနဲ့ ပစ်ခတ်တိုက်ခိုက်နေလို့ ရွာခံ ၅၀၀၀ ကျော်ဟာ ဘေးလွတ်ရာတွေမှာ ထွက်ပြေးတိမ်းရှောင်နေကြရပါတယ်။
စစ်ကိုင်းမြို့ အခြေစိုက် အမှတ် ၃၃ ခြေမြန်တပ်မဌာနချုပ် လက်အောက်ခံစစ်ကြောင်းဟာ ရေဦးမြို့နယ် အောင်သာရွာမှာ တပ်စွဲထားပြီး ကျောက်တိုင်နဲ့ ကျီစုရွာတွေကို ပစ်ခတ်တိုက်ခိုက်နေတာလို့ ဒေသခံတွေက ပြောပါတယ်။
အင်အား ၁၀၀ ကျော်ပါတဲ့ အာဏာသိမ်း စစ်ကြောင်းဟာ ကျောက်တိုင်နဲ့ ကျီစုရွာတွေကို ၂၀၂၂ ဇူလိုင်လက တကြိမ်၊ နိုဝင်ဘာလမှာ တကြိမ် ရွာလုံးကျွတ်နီးပါး မီးရှို့ဖျက်ဆီးခဲ့ပြီး ဒေသခံ ၁၀ ဦးလည်း ဖမ်းဆီးသတ်ဖြတ်ခံထားရပါတယ်။
လက်ရှိအချိန်မှာတော့ အိုးမဲ့ အိမ်မဲ့ဘဝနဲ့ ထွက်ပြေးပုန်းရှောင်နေကြရတဲ့ စစ်ရှောင်တွေဟာ စားဝတ်နေရေး အခက်အခဲတွေနဲ့ ရင်ဆိုင်နေကြရပါတယ်။
#WhatsHappeningMyanmar
#RejectMilitaryCoup
7 окт 2024