ဒေါင်းတို့မျိုးဆက် (၁၀) နှစ် ပြည့်ခဲ့ပြီ
၂၀၁၃ ခုနှစ်က ပိတောက်စာမျက်နှာသစ် ဟူသည့်အမည်ဖြင့် ကျောင်းသားလူငယ်များနှင့် စုဖွဲ့ထားသည့် သံချပ်အဖွဲ့သည် သံချပ်စင်မြင့်ပေါ်သို့တက်လာခဲ့သည်။ ထိုအဖွဲ့သည် တကသ ကျောင်းသားများနှင့်စုဖွဲ့ထားသည့် သံချပ်အဖွဲ့ဖြစ်ပြီး နောက်နှစ်တွင် ဒေါင်းတို့မျိုးဆက် အမည်ကို ခံယူကာ သံချပ်စင်မြင့်မြောက်များစွာတွင် ဖျော်ဖြေသရော်မှု မြောက်များစွာကို ဖော်ကျူးနေသည့် သံချပ်အဖွဲ့တစ်ဖွဲ့ဖြစ်လာသည်။
မြေဝိုင်း၊ ပြိုင်ပွဲစင်၊ ရပ်ကွက်၊ ကျေးရွာ နေရာစုံတွင် ပြည်သူနှင့်အတူ ရပ်တည်ကာ ပြည်သူ့အသံကို ထင်ဟပ်ရင်း အက၊ အလှ၊ သဘာဝ၊ သံချပ် များ တင်ဆက်ခဲ့သည်။ အာဏာသိမ်းချိန် ၂၀၂၁ မှ စ တင်ကာ ယခု ၂၀၂၃ ခုနှစ်ထိ ကာလများတွင်တော့ ဒေါင်းတို့မျိုးဆက်မှ အဖွဲ့ဝင်များသည် ပြန်လည်ဆုံတွေ့ကာ သံချပ်ထိုးနိုင်ခြင်းမရှိတော့ပဲ တစ်နေရာစီ ပြန့်နှံ့ရောက်ရှိနေပြီဖြစ်သည်။ တော်လှန်ရေးပုံစံမျိုးစုံ၊ အဖွဲ့အစည်းမျိုးစုံတွင် ပါဝင်ကာ စစ်အာဏာရှင်ပြုတ်ကျရေးကို ဦးလည်မသုန် ဆောင်ရွက်နေကြသည်။ ဒေါင်းတို့မျိုးဆက်ကား အစဉ်အလာ မပြတ် သံချပ်ထွက်နေဆဲပင်ဖြစ်သော်လည်း လူမစုံနိုင်တော့။
ယခု ၂၀၂၃ ခုနှစ်၊ ဒေါင်းတို့မျိုးဆက် (၁၀) နှစ် ပြည့်ချိန်တွင်တော့ သံချပ်အဖွဲ့သားများ မဖြစ်ဖြစ်အောင် ဆုံစည်းကာ သံချပ်ကို ပြန်လည် အသက်သွင်းဖို့ဆုံးဖြတ်ခဲ့သည်။ ဆုံးဖြတ်ခဲ့သည့်အတိုင်း Digital စင်မြင့်ပေါ်မှ တစ်ဆင့် မိဘပြည်သူများထံသို့ ဖျော်ဖြေတင်ဆက်လိုက်ရပါသည်။
“ သံချပ်ထိုး၍ သံလျက် ကျိုးစေ ”
-------
ဒေါင်းတို့မျိုးဆက်
#ဒေါင်းတို့မျိုးဆက်
#2023
#သံချပ်
#ဒေါင်းတို့မျိုးဆက်2023
#ဒေါင်းတို့မျိုးဆက်သံချပ်
#ဒေါင်းတို့မျိုးဆက်သံချပ်2023
16 апр 2023