No video :(

နန်းတော်ရှေ့ ဆရာတင် - အလှု့ရှင် (ဆို) လေဘာတီ မမြရင် ဂန္တဝင် မြန်မာသီချင်း ဓါတ်ပြား သီချင်း

Подписаться 3,2 тыс.

Просмотров 7 тыс.

50% 1

💿🪕🎷 မမြရင်အား ထိပ်ထိပ်ကြဲအငြိမ့်မင်းသမီးအဖြစ် ရွှေတိုက်စာရင်းဖေါက်ခဲ့သော သီချင်းဓါတ်ပြား 🎺🎷📀
မြန်မာ့အငြိမ့်လောက၏ ဒုတိယခေတ်တွင် လေဘာတီ မမြရင်သည် လျှမ်းလျှမ်းတောက် သရဖူ ဆောင်းခဲ့သော မင်းသမီးကြီးတစ်လက်အဖြစ် ထိပ်ဆုံးမှ နေရာယူခဲ့ပါသည်။ သူမအား လေဘာတီမမြရင်ဟု လျမ်းလျမ်းတောက် ကျော်ကြားစေမည့် အငြိမ့်ဓါတ်ပြား သီချင်းတစ်ပုဒ်မှာ ၁၉၃၅ မတ်လထုတ် His Master’s Voice (ခေါ်)ခွေးတံဆိပ် ကုမ္ပဏီ၏ “အလှု့ရှင်” သီချင်းဖြစ်ပါသည်။
ဤသီချင်းဖြစ်ပေါ်လာရခြင်းမှာ မန္တလေးတိုင်း၊ သာစည်ခရိုင်သူ မမြရင်သည် သူမအား နှစ်နှစ်ကာကာ ချစ်သော လူကုံတန်တစ်ဦးဖြင့် အိမ်ထောင်ကျခဲ့သော်လည်း အနုပညာသည်များအား ဖက်ခွက်စားဟု သတ်မှတ်သော ထိုသူ၏ ပတ်ဝန်းကျင်ကြောင့် သူတို့နှစ်ယောက်သည် တိတ်တိတ်ပုန်း လင်မယားဘဝနှင့်ပင် ပြည်ဖုံးကားချခဲ့ရသည်။ မမြရင်သည် သူမ၏ အူတိုတတ်သော အမျိုးသားအား “အလှု့ရှင်” နှင့် “ဦးသဝန်ကြောင်” သီချင်းများဖြင့် စောင်းချိတ်သီဆိုလိုသဖြင့် မောင်နှမသဖွယ် ရင်းနှီးသော ရပ်ဆွေရပ်မျိုး နန်းတော်ရှေ့ဆရာတင်ထံ ရင်ဖွင့်ကာ သူမ၏အဖြစ်ကို သီချင်းရေးစေခဲ့သည်။ ထိုသီချင်းများအားလည်း ဓါတ်ပြားအဖြစ် ပြန်လည်အသံသွင်းခဲ့ရာ “အလှု့ရှင်” ဓါတ်ပြားတစ်ချပ်ထဲဖြင့် သူမမှာ ရွှေတိုက်စာရင်းပေါက် အောင်မြင်ကျော်ကြားခဲ့ရလေသည်။
ဤသီချင်းအား စစ်ပြီးခေတ်တွင် နာမည်ကျော် ရုပ်ရှင်နှင့် ပြဇာတ်မင်းသမီး ကြည်ကြည်ဌေးက သူမ၏ အငြိမ့်လောကနောက်ခံ “ပန်းပန်လျက်ပါ” ရုပ်ရှင်ကားကြီးတွင် ပြန်လည်သီဆို ကပြခဲ့လေသည်။
မမြရင်တို့ အစောပိုင်းခေတ်မှ အငြိမ့်မင်းသမီးများသည် အသံချဲ့ မိုက်ခရိုဖုန်းမပေါ်သေးသဖြင့် ပင်ကိုအသံဖြင့်ပင် ပွဲရှေ့အငြိမ့်စင်မှ ပွဲနောက် ရုံပေါက်ဝအထိ ပေါက်အောင် အော်ဟစ်သီဆိုနိုင်မှသာ အသံအောင်သည်ဟု ဆိုနိုင်သည်။ ထို့ကြောင့် မမြရင်သည် သူ၏အောင်မြင်လှသော အသံဝါအား ပွဲပေါက်အောင် သီဆိုနေကြဖြစ်သဖြင့် စတူဒီယိုထဲတွင် လျှပ်စစ်သွင်း မိုက်ခရိုဖုန်းဖြင့် ဓါတ်ပြားသွင်းသောအခါ အသံကျယ်လောင်မည်စိုးသောကြောင့် ခပ်အုပ်အုပ်သာ ဆိုရလေသည်။ ထို့ကြောင့် အစောပိုင်း ဓါတ်ပြားတွင်းမှ မမြရင်၏ အသံမှာ မူလပကတိ ပြင်ပတွင် ဆိုသကဲ့သို့ မသာယာလှပေ။
သို့သော် ဒုတိယကမ္ဘာစစ်ဖြစ်ခါနီး ကိုလံဘီယာ ကုမ္ပဏီထုတ် “စိမ်းရောင်စို၊ ဖွားဘက်တော်၊ မဲဇာရွှေလီ၊ ယောင်္ကျားဆုပန်” ဓါတ်ပြားများသာလျှင် အသံဖမ်းရာတွင် ကောင်းမွန် ခေတ်မှီလာသဖြင့် သူမ၏ မူလပြင်ပ ပင်ကိုယ်သံအား အနီးစပ်ဆုံး ဖမ်းယူနိုင်ခဲ့သည် ဆို၏။
မမြရင်သည် သူမနှင့် ခေတ်ပြိုင် အခြားအဆိုတော်များကဲ့သို့ ကုမ္ပဏီ တစ်ခုထဲတွင် ခြေချုပ်မိမည်စိုးသောကြောင့် စာချုပ်ဖြင့် ဓါတ်ပြားသွင်းချင်းမပြုခဲ့ပေ။ အခြား ခွေးတံဆိပ်၊ ရွှေလိပ်ပြာ၊ ကိုလံဘီယာ၊ အောင်မင်္ဂလာ နှင့် အောင်မြန်မာကုမ္ပဏီများတွင်လည်း လွပ်လပ်စွာ သီဆိုဓါတ်ပြားသွင်းခဲ့၏။ သူမ၏ သီချင်းဓါတ်ပြားများစွာထဲမှ ယခုဆောင်းပါးတွင် လေဘာတီမမြရင်ဟု နာမည်တစ်လုံးဖြင့် အောင်မြင်စေခဲ့သော “ဂီတထံတျာ (Music-Haven) အနုပညာအသံပြခန်း”မှ သူမ၏ အစောပိုင်း ၁၉၃၅ ခုနှစ် ခွေးတံဆိပ်ကုမ္ပဏီထုတ် ရှားပါးမူရင်း ဓါတ်ပြားကို ခံစားနိုင်ရန်အလို့ဌာ တင်ပြလိုက်ရပါသည်။