နာနတ်သီးတွေ ပေါတဲ့ အချိန်မှာ နာနတ်ယိုလေးထိုးကြမယ်။ ကိုယ်တိုင် အလွယ်တကူ သန့်သန့်ရှင်းရှင်း လုပ်ပြီး ကိုယ်ချစ်ရတဲ့သူကို လက်ဆောင်ပေးလို့ ကောင်းတဲ့ အရာလေးလည်းဖြစ်တယ်မဟုတ်လား။
နာနတ်သီးထည့်မယ့် ပုလင်း ကို ရေနွေးနဲ့ ပြုတ်ထား ပေးပါ။ ပြုတ်တဲ့အခါ ပုလင်းတွေကို ရေဆူမှ မထည့်ဘဲ ရေကို မီးအပူမပေးခင်ထည့်ပြီး မှ ပြုတ်ပေးပါ။ ပြီးရင် ရေစစ်ထားပေးပါ။
နာနတ်သီး - ၁လုံးခွဲ
သကြား - ၂၀၀ ဂရမ် (စားပွဲတင်ဇွန်း ၂၀ ဇွန်း)
သံပရာသီး - ၃ လုံး
လိုအပ်ပါတယ်။ နာနတ်သီးကို အတုံးသေးသေးစိတ်ထားပေးပါ။ နာနတ်ယိုထိုးမယ့် ဒယ်အိုးထဲမှာ ဘာမှ ဘာမှ မထည့်သေးဘဲ နာနတ်သီးတွေအရင်ထည့်ပြီး မီးအလယ်အလတ်နဲ့ ၁၀ မိနစ်လောက်မွှေပေးပါ။ နာနတ်သီးထဲက ရေတွေထွက်လာပါလိမ့်မယ်။ ရေထွက်လာပြီးရေအနည်းငယ် ခမ်းခါနီးမှ သံပုရာသီးညှစ်ပေးပါ။ သကြားတွေထည့်ပေးပါ။ သကြားတွေ ကို အစောကြီးကတည်းက ထည့်ပြီးမွှေရင် အခန့်မသင့်ရင် သကြားတူးသွားနိုင်တာကြောင့်ပါ။ မိနစ် ၂၀ ခန့် မီးအလယ်အလတ်နဲ့ အဆက်မပြတ်မွှေပေးပြီးရင် နာနတ်ယိုရပြီဖြစ်ပါတယ်ခင်ဗျာ...
နာနတ်ယိုကို ခပ်မယ့် ဇွန်း က ရေ မရှိဘဲ ခြောက်သွေ့နေရပါမယ်။ ခဏ အအေးံခပြီးမှ ပုလင်းထဲ ထည့်ပြီး သိမ်းထားလို့ရပြီဖြစ်ပါတယ်။ ရေခဲသေတ္တာအအေးခန်းထဲထည့်ထားပါက ၂ ပတ်လောက်ထိ အထား ခံပါတယ်ခင်ဗျာ။
နာနတ်ယိုကို ပေါင်မုန့်နဲ့ သုတ်စားလို့ရပြီး ပုလင်းထဲက နာနတ်ယိုတွေကိုယူတိုင်း ခပ်တဲ့ ဇွန်းတွေကို ခြောက်နေအောင် သုတ်ပေးထားပါ။ ဇွန်းသန့်သန့်နဲ့ ခပ်မှသာ နာနတ်ယိုက မှိုမတက်မှာဖြစ်ပါတယ်။
ပါဝင်ပစ္စည်းများ
နာနတ်သီး - ၁လုံးခွဲ
သကြား - ၂၀၀ ဂရမ် (စားပွဲတင်ဇွန်း ၂၀ ဇွန်း)
သံပရာသီး - ၃ လုံး
တို့ပဲလိုအပ်ပါတယ်။
29 авг 2024