မန္တလေးမှာ စစ်ကောင်စီ ခံစစ်ပြင်နေသလား
…………
တော်လှန်ရေးတပ်များ၏ ထိုးစစ် ရှမ်းတောင်တန်းများကို ကျော်လွန်လာချိန်တွင် စစ်ကောင်စီက နိုင်ငံအလယ်ပိုင်းမြို့တော် မန္တလေးကို လုံခြုံရေးတင်းကျပ်လိုက်ပြီး ခုခံတိုက်ပွဲဝင်ရန် ခံစစ်ပြင်နေသည်ဟု ဒေသခံများထံမှ သိရသည်။
မန္တလေးအနီး တိုက်ပွဲပြင်းထန်လာချိန် စစ်ကောင်စီက မြို့ပြင်တပ်စခန်းများမှ တပ်မိသားစုဝင်များကို နန်းတွင်းထဲရှိ စစ်စခန်းထဲသို့ ပြောင်းရွှေ့လိုက်ပြီး မြို့တွင်းကင်းစခန်းများတွင်လည်း အင်အား တိုးချလိုက်သည်။
မန္တလေး-လားရှိုး ပြည်ထောင်စုလမ်းမကြီးပေါ်ရှိ သီပေါ၊ ကျောက်မဲ၊ နောင်ချို၊ ပြင်ဦးလွင်မြို့တို့တွင် တိုက်ပွဲများ နေ့စဉ်ဖြစ်ပွားနေပြီး ဇူလိုင် ၁၀ က နောင်ချိုမြို့ကို သိမ်းပိုက်နိုင်ခဲ့ကာ စစ်ရေးပစ်မှတ်သည် မန္တလေးမြို့ကို ဦးတည်နေသည်။
နောင်ချိုနှင့် မန္တလေးအကြားတွင် စစ်တက္ကသိုလ်အများအပြားရှိရာ ပြင်ဦးလွင် ခေါ် မေမြို့တစ်ခုသာ ခြားသည်။
သတင်း၊ တင်ဆက် - နေမင်းနီ၊ ဟန်သစ်
13 июл 2024