၁၈၈၅ ခုနှစ် မြန်မာတပြည်လုံး အင်္ဂလိပ်တို့လက်အောက်ကျရောက်သွားချိန် ကုန်းဘောင်မင်းဆက်ရဲ့ နောက်ဆုံးဘုရင်ဖြစ်တဲ့ သီပေါမင်းနဲ့ မိဖုရားဖြစ်တဲ့ စုဖုရားလတ်တို့ကိုလည်း အိန္ဒိယနိုင်ငံ ရတနာဂီရိသို့ ခေါ်ဆောင်သွားခဲ့ပါတယ်။
ဒါကတော့ အခြေခံပညာကျောင်းသားတိုင်းသင်ခဲ့ရတဲ့ သမိုင်းအချက်အလက်ဖြစ်ပါတယ်။ ဒါပေမယ့် ပါတော်မူသွားခဲ့တာ သီပေါမင်းအစစ်မဟုတ်ဘဲ သီပေါမင်းအတုသာဖြစ်တယ်လို့ ပြောလာသူ ကုန်းဘောင်မင်းဆက် ဆွေတော်မျိုးတော်ဝင်တဦးရှိနေပါတယ်။ သူကတော့ မင်းတုန်းမင်းတြားကြီးရဲ့ သမီးတော် သုသီရိစန္ဒာဒေဝီ မင်းတပ်ထိပ်ခေါင်တင်နဲ့ တီတော်စပ်တဲ့ မင်းတပ်နေမျိုးဦးပဲဖြစ်ပါတယ်။
သူ့အဆိုအရ သီပေါမင်းဟာ နန်းတွင် သတ်ဖြတ်ပွဲတွေဖြစ်ပြီးနောက် ဒီကိစ္စတွေအပေါ် အလိုမကျတာကြောင့် နန်းတော်ကနေ တိတ်တဆိတ်ထွက်ခွာသွားခဲ့ကြောင်း၊ ရတနာဂီရိသို့ ပါတော်မူသွားတာဟာ စုဖုရားလတ်ရဲ့ ငယ်ကြင်ရာတော် အမည်အားဖြင့် ငချိုလို့ဆိုပါတယ်။
ပါတော်မူသမိုင်းမူကွဲနဲ့ပတ်သက်လို့ မင်းတပ်နေမျိုးဦးက အခုလို ပြောပြထားပါတယ်။
5 окт 2024