ရန်ကုန်မြို့လည် မှ လှိုင်သာယာသို့ ဘုရင့်နောင်တံတား ပေါ်ဖြတ်သန်းမောင်းနှင်ရာတွင် သမိုင်းပတ်ဝန်းကျင်တွင် ကားကျပ်သည်။
လှိုင်သာယာရောက်ရာတွင် ယခင်ကလမ်းဘေးတလျှောက်နေရာများစွာယူ၍ ကျုးကျော်နေသူများအား ဖယ်ရှားထားသည်ကို တွေ့ရသည်။သို့သော်လည်းလှိုင်သာယာလမ်းပေါ်တွင် မောင်းနှင်နေသော ကားများ၊ စက်ဘီးစီးသူများ၊ ဆိုင်ကယ်စီးသူများ၊လမ်းလျှောက်နေသူများ အလွန်စည်းကမ်းမဲ့စွာသွားလာလှုပ်ရှား မောင်းနှင်နေမှုကြောင့် လမ်းဆုံလမ်းခွများတွင် မဖြစ်သင့်သည့် လမ်းပိတ်မှု နှင့်ကားကျပ်နေသည် ကိုတွေ့ရသည်။
ရန်ကုန်နှင့်ပုသိမ် မိုင် ၁၀၀ကျော် ရှိသော်လည်း ၃ နာရီကျော် မောင်းနှင့်ရသဖြင့် တစ်နာရီ မိုင် ၃၀ သာမောင်းနှင်နိုင်သည်ကို အကြောင်းရင်းမှာ လမ်းများ မကောင်းခြင်း၊ လမ်းများအားလုံး မြို့များ၊ ရွာများ အတွင်း သို့ဖြတ်သန်းမောင်းနှင်ရသည့်အချက်ဖြစ်ပေသည်။
ပုသိမ်မှ ငွေဆောင် သို့ မိုင် ၃၀ ခရီးအား တစ်နာရီနီးပါးမောင်းနှင်ရပေသည်။လမ်းမကောင်းခြင်း၊ ရွာများကြားဖြတ်သန်းမောင်းနှင်ရခြင်း၊ လမ်းကျဉ်းသည့်အပြင် ယာဉ်နှစ်စီးမျက်နှာချင်းဆိုင်မောင်းနှင်ရာတွင်အရှိန်လျော့ရခြင်း၊ လမ်းအကွေ့
အကောက်များခြင်း၊ တောင်အတက်အဆင်းများခြင်း များသဖြင့် မြန်ဆန်စွာမောင်းနှင်ရန် ခက်ခဲပေသည်။
သို့သော်လည်း အပန်းဖြေခရီးသွားသူများစွာတွေ့ရသဖြင့် နယ်ခံများစီးပွားရေး၊ ဟိုတယ်စီးပွားရေးအတွက် အထောက်အကူဖြစ်ပေမည်။
16 сен 2024
