ရဟတ်ယာဉ် ဒရုန်းဗုံးကြဲခံရသည့် ရုပ်သံသည် လားရှိုးမှမဟုတ် 

JC - မဇ္ဈိမ။ ။ လားရှိုး အရှေ့မြောက်ပိုင်း စစ်ဌာနချုပ်ထဲက စစ်ကောင်စီတပ်ဖွဲ့ဝင်တွေနဲ့ မိသားစုဝင်တွေကို လာကြိုတဲ့ ရဟတ်ယာဉ်ကို ကိုးကန့်တပ် MNDAA က ဒရုန်းနဲ့ ဗုံးကြဲချခဲ့တယ်ဆိုတဲ့ အကြောင်းအရာနဲ့ ရုပ်သံတခု ပျံ့နှံ့နေပါတယ်။
အဲ့ဒီရုပ်သံကို "ကချင်တောင်တန်း"ဆိုတဲ့ တယ်လီဂရမ်ချန်နယ်ကနေ “လားရှိုး ရမခ တိုင်းရှိ အရာရှိကတော်များနဲ့ တပ်မိသားစုဝင်များကို ရဟတ်ယာဉ်ဖြင့် သယ်ထုတ်နေစဉ် MNDAA မှ Drone ဖြင့် ဗုံးကျဲချ - မိသားစုဝင်များ ထိခိုက်သေဆုံး” ဆိုပြီး ဇူလိုင် ၈ ရက်နေ့ ညနေပိုင်းမှာ ရုပ်သံတခုနဲ့ အစောဆုံးဖြန့်ဝေထားပါတယ်. ရုပ်သံဟာ ၄၃ စက္ကန့်ကြာမြင့်ပြီး ရဟတ်ယာဉ် တစီးကနေ လူတွေကို သယ်ယူဖို့ ဆင်းသက်လာတဲ့အချိန်မှာ ဗုံးနဲ့ ကြဲချတိုက်ခိုက်ခံလိုက်ရတဲ့ ရုပ်သံဖိုင်ဖြစ်ပါတယ်။ မူရင်းရုပ်သံဖိုင်ကို ပြန်ဖျက်သွားခဲ့ပေမယ့် ဒီရုပ်သံဖိုင်နဲ့ လားရှိုးကဖြစ်စဉ်ဆိုပြီး Facebook လူမှုကွန်ရက်အပြင် RU-vid တွေမှာပါ ပျံ့နှံ့နေပါတယ်။
တကယ်တော့ အဲ့ဒီရုပ်သံဖိုင်ဟာ လားရှိုးက ဖြစ်စဉ်မဟုတ်ပါဘူး။ စစ်ကိုင်းတိုင်း ကသာခရိုင် ပင်လည်ဘူးမြို့ဖြစ်စဉ်က ရုပ်သံဖိုင်ဖြစ်ပါတယ်။ တည်နေရာတွေကို မြေပုံနဲ့တကွ ရှာဖွေဖော်ပြလေ့ရှိတဲ့ "Asia Intel" အမည်နဲ့ X လူမှုကွန်ရက်အသုံးပြုသူတဦးက ဒီအကြောင်းကို ဖော်ပြထားတာပါ။ သူ့ဖော်ပြမှုမှာတော့ ဖြစ်စဉ် ဗီဒီယိုဖိုင်မှာ ပါဝင်တဲ့ အချက်အလက်တွေနဲ့ မြေပုံမှာပါဝင်တဲ့ အချက်အလက်တွေကို တိုက်ဆိုင်ဖော်ပြထားပြီး လားရှိုးက ဖြစ်စဉ်မဟုတ်ဘဲ ပင်လည်ဘူးက ဖြစ်စဉ်ဖြစ်ကြောင်း ဖော်ပြထားပါတယ်။
ဒါကိုပဲ စစ်လက်နက်အကြောင်းတွေ ဖော်ပြလေ့ရှိတဲ့ "Tactical raptor 2.0" ဆိုတဲ့ ဖေ့ဘုတ်ပေ့ချ်ကနေလည်း ပြန်လည်ဖော်ပြထားပါတယ်။ လင့် - t.ly/1tDGB , t.ly/Bisw9
ပင်လည်ဘူးရဲ့ တည်နေရာကို Google earth pro မှာ ရှာဖွေတဲ့အခါမှာတော့ ဗီဒီယိုမှာပါဝင်တဲ့ တည်နေရာအတိုင်းတွေ့ရပါတယ်။ အနီရောင်ခေါင်မိုးနဲ့ နှစ်ထပ်တိုက်အဆောက်အဦးမှာ ထိခိုက်ထားတဲ့ ခေါင်မိုးရဲ့အခြေအနေလည်း တူညီပြီး အခြားဘေးက အဆောက်အဦးတွေလည်း တူညီနေတာကို တွေ့ရမှာပါ။
ပင်လည်ဘူး မြေပုံတည်နေရာ - maps.app.goo.gl/YdTCEHh48YRPs...
ဒါ့အပြင် အဲ့ဒီရုပ်သံနဲ့ ရမခ စစ်တိုင်းအတွင်းက ဖြစ်စဉ်လို့ သတင်းဖော်ပြခဲ့တဲ့ မီဒီယာတွေကနေလည်း ဒီရုပ်သံဖိုင်ဟာ ပင်လည်ဘူးက ရုပ်သံဖိုင်သာ ဖြစ်ကြောင်း ပြန်လည် ပြင်ဆင် ဖော်ပြထားကြပါတယ်။
လင့် - t.ly/K5UD9 , t.ly/8qaaf
လားရှိုး ရမခရဲ့ တည်နေရာကို ရှာဖွေတဲ့အခါမှာလည်း ရုပ်သံမှာ ပါဝင်တဲ့ တိုက်တာအဆောက်အဦးတွေနဲ့ ဆင်တူတဲ့ တည်နေရာကို မတွေ့ရပါဘူး။
လားရှိုး ရမခ မြေပုံတည်နေရာ - maps.app.goo.gl/R1XWVk8SWWdib...
ဒါကြောင့် လားရှိုးက ရုပ်သံဆိုပြီး ပျံ့နှံ့နေတဲ့ ရဟတ်ယာဉ်ဗုံးချခံရတဲ့ ရုပ်သံဟာ ရှမ်းပြည်နယ်မြောက်ပိုင်း လားရှိုးမြို့ကမဟုတ်ဘဲ စစ်ကိုင်းတိုင်း ပင်လည်ဘူးမြို့မှာ အမှန်တကယ် ဖြစ်ပျက်ခဲ့တဲ့ ရုပ်သံကို အသုံးပြုထားတာပဲ ဖြစ်ပါတယ်။
မဇ္ဈိမကို ကြည့်ရှုအားပေးနေတဲ့သူတွေအနေနဲ့လည်း စစ်ဆေး‌စေချင်တဲ့ သတင်းတွေရှိခဲ့ရင် မဇ္ဈိမကိုပေးပို့‌လို့ရပါတယ်။ ပေးပို့မယ်ဆိုရင် t.ly/AjFbz ဆိုတဲ့လင့်ကို ရိုက်ထည့်ပြီး စစ်ဆေးစေချင်တဲ့ သတင်းအကြောင်းအရာကို လင့်နဲ့တကွ ပေးပို့ပေးဖို့ မေတ္တာရပ်ခံအပ်ပါတယ်။
#Misinformation_Buster #Fake_News #Pinlebu #Lashio #Geo_location #airstrike
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
bit.ly/2VhJ12U (သို့မဟုတ်) tinyurl.com/donatemzm
Subscribe our channel:
/ @mizzimanewstv
Follow us:
Facebook | Myanmar Language / mizzimadaily
Facebook | English language / mizzimamyanmarnews
Facebook | Mizzima+TV / mizzimaplustv
Twitter / mizzimanews
Telegram t.me/mizzimatv
Sportify open.spotify.com/show/0JqldUl...
Mizzima TV App onelink.to/jnuwak
Mizzima Weekly Analysis & Insight Patreon patreon.com/MizzimaMedia?utm_...
Website :
bur.mizzima.com
eng.mizzima.com
www.mizzima.tv
.....................
About us:
Mizzima today is recognized as the most accessed and trusted source of news for the people of Myanmar. Mizzima boasts over 21 million followers of our main Facebook page in addition to a digital daily newspaper in Burmese, Mizzima App, weekly English language magazine, and FM and shortwave radio broadcasting. In addition to the approximately 32 million people reached via Mizzima TV and Radio broadcasting.