လက်တွေ့ဘ၀ထဲက ဟာစရီပါးများ
ဆရာမြသန်းတင့်ဘာသာပြန်ဆိုတဲ့ သုခမြို့တော်စာအုပ်မှာ ကာလကတ္တားက သုခမြို့တော်လို့ခေါ်တဲ့ ဆင်းရဲသားရပ်ကွက် တစ်ခုအကြောင်း ရေးထားပါတယ်။ အဲဒီ့မှာ အဓိက ဇာတ်ကောင်းတစ်ဦးကတော့ ဟာစရီပါးဆိုတဲ့ လန်ချားသမားပါ။ ရွာမှာ ကျပ်တည်းလွန်းလို့ မြို့ကိုပြောင်းရွှေ့ လာခဲ့ပေမယ့်၊ မြို့မှာလည်း ခက်ခက်ခဲခဲရုန်းကန်နေရပါတယ်။ လန်ချားဆွဲဖို့ ခရီးသည်မရတဲ့တစ်ရက်၊ ဗိုက်ကလည်းဆာ၊ အားကမရှိ၊ ခေါင်းကမူးနေပြီး စိတ်ပျက်လက်ပျက်ဖြစ်နေချိန်မှာ ဟာစရီပါး ဆီကိုသွေးပွဲစားတစ်ယောက်ရောက်လာပြီး၊ သွေးရောင်းပြီး ငွေရှာလို့ရကြောင်း လာပြောပါတယ်။ ပြီးတော့ သွေးရောင်း ရငွေထဲက တစ်ဝက်ကို သူ့ကိုပွဲစားခပေးဖို့ ပြောလာတယ်။ ဟာစရီပါးဟာ မိသားစုရဲ့ စားဝတ်နေရေးကို လန်ချားဆွဲပြီး ဖြေရှင်းရသလို၊ သွေးရောင်းပြီးလည်း ဖြေရှင်းခဲ့ရတယ်။ သူမသေခင်မှာ သူ့အရိုးကိုတောင်ရောင်းပြီး ဖြေရှင်းခဲ့ပါတယ်။
#jesus #faithful_friend #life
16 окт 2024