လမ်းဆုံး ရောက်နေတဲ့ သူ (Opinion/ရုပ်သံ)
~~~~~~~~~~
လူယုတ်မာ အကြမ်းဖက်ခေါင်းဆောင် မ.အ.လ ရေ မင်းကိုလည်း ရွာဦးကျောင်း ဆရာတော် ဦးနန္ဒိယက သူ့တူ သာဝကို ပြောသလို ပြောရတော့မယ် ထင်ပါရဲ့။ "သာဝရေ မင့်ကို ပြောရ ဟောရတာ၊ ပြောရင်း ဟောရင်းနဲ့ ငါသာ ပျံလွန်တော်မူသွားမယ်၊ မင်းကတော့ အမိုက်ဇာတ်သိမ်းတော့မယ် မထင်" တဲ့လေ။ အခု မင်းကကော ဘာထူးလို့လဲ။ အာဆီယံက ပြော၊ တရုတ်ကြီးက ပြော၊ နိုင်ငံတကာ အသိုင်းအဝိုင်းက ဝိုင်းဝန်းပြောနေကြပေမဲ့ မင်းကတော့ "တေဘုမ္မာ" သီချင်းထဲကလို "အခုလည်း မိုက်ဆဲ မှန်စွာ ... ရှေ့ကို တိုးလို့ တပိုး မိုက်အုံးမှာ" ဆိုတာလို ဖြစ်နေပါပေါ့လား။ ယုတ်မာခဲ့တယ်၊ ယုတ်မာနေဆဲ။ ရှေ့ဆက်ပြီးလည်း ထပ်တိုး ယုတ်မာအုံးမယ့် သဘော။
ဒီတော့လည်း တို့ပြည်သူတွေ အနေနဲ့ စစ်အာဏာရှင် အမြစ်ပြတ်ရေး ဆိုတဲ့ လက်နက်ကိုင် တော်လှန်ရေးမှအပ တခြား ရွေးချယ်စရာ မရှိတော့ ...။
တကယ်တော့ နိုင်ငံတဝှမ်းမှာ လက်နက်ကိုင် တော်လှန်ရေး ဖြစ်ပေါ်ပြီး မတည်မငြိမ် ဖြစ်ကြရတဲ့ မူလဇာစ်မြစ်ဟာ အကြမ်းဖက်အဖွဲ့အစည်းရဲ့ လက်နက်အားကိုးနဲ့ အာဏာသိမ်းမှုကြောင့် ဖြစ်ပေါ်လာရတဲ့ ဖြစ်စဥ်ပဲ။ ဒင်းတို့ကတော့ ရွေးကောက်ပွဲမှာ မဲမသမာမှုတွေ ရှိခဲ့လို့ အာဏာသိမ်းရပါတယ် ဆိုပြီး အကြောင်းပြတာပေါ့လေ။ အကြောင်းပြချက်က အကြောင်းပြချက်ပဲ။ ခိုင်လုံမှု မရှိတဲ့အပြင် မဲမသမာမှုတွေ ရှိခဲ့လို့ အာဏာသိမ်းရပါတယ် ဆိုတာ နွားနှုတ်သီး မြင်းပါးချပ် တပ်သလို ဖြစ်နေတာပေါ့။
……………
ဒေါင်းနီ ရေးသားတဲ့ “လမ်းဆုံး ရောက်နေတဲ့ သူ” အတွေးအမြင် ဆောင်းပါးကို နွေဦးမောင်မောင် ရွတ်ဖတ်တင်ဆက်ထားတာ ဖြစ်ပါတယ်။ ငွေမောင်းသံ ပရိတ်သတ်ကြီး နားဆင်ကြည့်ရှုနိုင်ကြဖို့ တင်ဆက်လိုက်ရပါတယ်။
#ငွေမောင်းသံ မီဒီယာ
2 окт 2024