လားရှိုးမြို့လယ်ရှိ ဌာနဆိုင်ရာအများစုကို ကိုးကန့်တပ် သိမ်းပိုက်ထား
===========
လားရှိးမြို့လယ်ရှိ မြို့တော်ခန်းမအပါအဝင် စစ်ကောင်စီတပ်စခန်းတချို့၊ ရဲစခန်း၊ ဆေးရုံ စသည့် ဌာနဆိုင်ရာနေရာအများစုကို ကိုးကန့်တပ် MNDAA သိမ်းပိုက်ထားသည့်ရုပ်သံဖြစ်သည်။
စက္ကန့် ၄၀ ခန့်ရှိ ထိုရုပ်သံတွင် မြို့တော်ခန်းမ၊ အမှတ် (၁) ရဲစခန်း၊ အမှတ် (၉၁၂) စစ်မြေပြင်အင်ဂျင်နီယာတပ်ရင်း၊ အမှတ် (၉၅၉) ဆောက်လုပ်ရေးအင်ဂျင်နီယာတပ်ခွဲ၊ အထွေထွေရောဂါကုဆေးရုံကြီး ခုတင် (၁၀၀)၊ အမှတ် (၆) မူးယစ်တပ်ဖွဲ့ခွဲ၊ လားရှိုးမြို့နယ်မီးသတ်တပ်ဖွဲ့ နေရာများတွင် တော်လှန်ရေးတပ်ဖွဲ့ အလံလွှင့်၍ နေရာယူကြသည်ကို တွေ့ရသည်။
ရုပ်သံမှတ်တမ်းအရ လားရှိုးမြို့လယ်ကောင် နေရာအများစုကို တော်လှန်ရေးတပ်ဖွဲ့က ထိန်းချုပ်လိုက်ခြင်းဖြစ်သည်။
စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းကမူ ကိုးကန့်တပ်များသည် အရပ်ဝတ်ဖြင့် မြို့ထဲဝင်လာပြီး နောက်မှ ယူနီဖောင်းဝတ်ကာ ဓာတ်ပုံရိုက်၍ ဝါဒဖြန့်နေကြောင်း စွပ်စွဲထားသည်။
7 сен 2024
