ဝိပဿနာအကြောင်း {ဝေဒနာရှုပုံ} 

သတိဆိုဆာအာ့ကြောင့်ပိုတယ်မရှိဘူးတဲ့ ဖြစ်ရင်ဖြစ်တိုင်းသ်နေရတာဝိပသနာပါတဲ့ ဒေါသထွက်ရငိကိုသတိရလိုက်ရင်စိတ်က ပြောင်းသွားတာလေ

"ဝေဒနာက တခြား အနိစ္စက တခြားပဲ" ဒါဖြင့် ဘုန်းကြီးတို့ ဒကာ ဒကာမတွေ သေခါနီး ဝေဒနာလာရင် ရှေးဦးစွာ ဘာလုပ်ရမလဲ၊ နံပါတ်(၁) ဉာဏ်နဲ့ ဝေဒနာကို ရှုပါ၊ (မှန်ပါ) ရှုတဲ့အခါ ဝေဒနာတခြား အနိစ္စတခြား မြင်ပါစေ (မှန်ပါဘုရား) ဒါဟာ ဝေဒနာခွါတာပဲ၊ ဝေဒနာဟာ ဝေဒနာပဲ၊ အနိစ္စက အနိစ္စပဲ (မှန်ပါ)။ ဉာဏ်နဲ့ကြည့်လိုက်တဲ့အခါ "ဒါဟာ ဝေဒနာမဟုတ်ဘူး၊ ဖြစ်ပြီးပျက်သွားတဲ့ အနိစ္စကလေးတွေပဲ" လို့တွေ့စေရမယ်(မှန်ပါဘုရား) ဝေဒနာကလေးတွေ ဖြစ်ပြီး ပျက်သွားတဲ့သဘောကို တွေ့အောင် ရှာရမယ် (မှန်ပါ) ဖြစ်ပျက်ဆိုတာနဲ့ အနိစ္စဆိုတာအတူတူပဲနော် (မှန်ပါ)ဒီတော့......... (က)ဝေဒနာမတွေ့စေနဲ့ ဖြစ်ပျက်တွေ့ပစေ။ (ခ)ဝေဒနာမတွေ့စေနဲ့ အနိစ္စတွေ့ပစေ။ အတူတူပဲ (မှန်ပါဘုရား) "ဝေဒနာကျော်တယ်"ဆိုတာ ဒီအချိန်မှာ ဝေဒနာ‌ကျော်နေတာပဲ၊ မဂ္ဂသစ္စာဖြစ်နေတာပဲ (မှန်ပါဘုရား) ဝေဒနာကိုမတွေ့တော့ဘဲ ဖြစ်ပျက် ကလေးတွေချည်း တွေ့နေတော့တာကို "ဝေဒနာကျော်"လို့ ခေါ်ရတယ် (မှန်ပါဘုရား) "ဖြစ်ပျက်ကလေးတွေတွေ့နေတယ်"ဆိုတော့ အတွေ့ခံတာက အနိစ္စ၊ တွေ့တဲ့ဉာဏ်ကမဂ္ဂ(မှန်ပါ) မဂ္ဂဆိုတော့ ဝေဒနာရှုရင်းနဲ့ မဂ္ဂင်၅ပါးနဲ့လည်း သေနိုင်တယ် (မှန်ပါ) ဖက္ခုန ရဟန်းကျတော့ သိတ်ကောင်းတယ်၊ အနိစ္စတွေ့တဲ့အပြင် အနိစ္စကို မုန်းသေးတယ်၊ (မှန်ပါ) ပီးတော့ အနိစ္စဆုံးသွားပါလေရော........(မှန်ပါဘုရား) ဒီနည်းနဲ့ အနိစ္စမြင် အနိစ္စမုန်း အနိစ္စဆုံး (၃)ခါဆုံးတော့ အနာဂမ်ဖြစ်သွားတာပေါ့ (မှန်ပါ) အောက်သံယောဇဉ် ၅ပါးကိုဖယ်ရှားနိုင်တဲ့အတွက် ဖက္ခုနရဟန်း အနာဂမ်ဖြစ်သွားတယ် (မှန်ပါဘုရား) အဲဒါကြောင့် ဘုန်းကြီးတို့ ဒကာ ဒကာမတွေလဲ နံပါတ်(၁) အနိစ္စ မြင်၊ နံပါတ်(၂) အနိစ္စ မုန်း၊ နံပါတ်(၃) အနိစ္စဆုံးသွားတာကို မြင်အောင် ဉာဏ်နဲ့ ကြည့်ကြရမှာ (မှန်ပါ) ကြည့်ကြပါလို့ တိုက်တွန်းပါတယ် (မှန်ပါဘုရား)။ 🙏🙏🙏 "ကျေးဇူးတော်ရှင်အဂ္ဂမဟာပဏ္ဍိတ မိုးကုတ်ဆရာတော်ဘုရားကြီး"၏ တစ်ဘဝသာသနာ စာအုပ် စာမျက်နှာ (၂၈၃) မှ ကောက်နုပ်ပူဇော်အပ်ပါသည်။ 🙏🙏🙏

🙏🙏🙏 မဂႅလာပါ 🙏🙏🙏 ဥာဏ်နဲ့ကြည့်တော့ ဝေဒနာမပေါ် ဖြစ်ပျက်မြင်လို့ ဝေဒနာကျော် အနိစ္စတွေ့တယ်လို့လည်းခေါ် ဒုက္ခ အနတ္တ တွဲလျက်နော် အကျိုးများလှသည့်သာသနာတော် ဘာဝနာပျော်မွေ့ ကျင့်ကြံသရွေ့ ကိုယ်တိုင်တွေ့မှ ဘုရားဖူးမျှော် ... ... " သင် တရားအားထုတ်နေပြီလား ...? "