သင်တန်းရက်တိုနဲ့ ရှေ့တန်းရောက်လာတဲ့ တပ်သားသစ်တွေကို အရာရှိတွေကမယုံကြည်
****************************
( ကျည်လည်း မထိုးရဘူး။ သေနတ်ကိုင်ရလား၊ မကိုင်ရလားဆိုတာ ကိုယ့်သေနတ်နံပါတ်တောင်မေ့တယ် )
သံလွင်ခက်
ဇန်နဝါရီ ၂၂ ၊ ၂၀၂၄ ။
နိုင်ငံအနှံ့ဖြစ်ပွားနေတဲ့တိုက်ပွဲတွေအတွင်း စစ်ကောင်စီတပ်ဖွဲ့ဝင်တွေဟာ ထိခိုက်သေဆုံးတာ၊ ဖမ်းဆီးခံရတာနဲ့ လက်နက်ချအညံ့ခံတာတွေ အများအပြားရှိနေပါတယ်။
အသက်အာမခံချက်မရှိတဲ့အပြင် နားရက်လည်းမရှိဘဲ တစ်နေ့တခြားစစ်ပန်းလာတာကြောင့် စစ်ကောင်စီတပ်ဖွဲ့ ဝင်တွေဟာ တော်လှန်ရေးတပ်တွေဆီ အလင်းဝင်ရောက်တာတွေလည်း နိုင်ငံအနှံ့မှာ မကြာခဏဆိုသလို ပေါ် ပေါက်လာနေပါတယ်။
ပြည်သူတွေကို ဗုံးကြဲတာ၊ အစုလိုက်အပြုံလိုက် သတ်ဖြတ်တာ၊ မတရားဖမ်းဆီးတာတွေနဲ့ ရွာလုံးကျွတ်မီးရှို့ဖျက် ဆီးတာတွေကြောင့် စစ်ကောင်စီတပ်တွေထဲကို ဝင်ရောက်လိုတဲ့ပြည်သူရယ်လို့ မရှိသလောက်နည်းပါးလာပါ တယ်။
ဒီလိုအခြေအနေတွေကြုံနေရတဲ့စစ်ကောင်စီဟာ တစ်ဖက်မှာလည်း တပ်သားအင်အားပြုန်းတီးမှုတွေနဲ့ ဆိုးဆိုး ရွားရွားရင်ဆိုင်နေရပါတယ်။
ဒါကြောင့် စစ်ကောင်စီက တပ်သားသစ်စုဆောင်းတာတွေကို ငွေကြေးမက်လုံး၊ အလုပ်အကိုင်အခွင့်အရေးမက် လုံးတွေအပါအဝင် နည်းလမ်းမျိုးသုံးပြီး ရှာဖွေလာနေပါတယ်။
တပ်သားသစ်စုဆောင်းဖို့ မြှူဆွယ်တဲ့နည်းလမ်း၊ ပေါ်တာဆွဲတဲ့နည်းလမ်း စတဲ့နည်းလမ်းမျိုးစုံကို စစ်ကောင်စီက ဆောင်ရွက်နေပြီး အခုနောက်ပိုင်းမှာတော့ အတင်းအဓမ္မလူစုပြီး စစ်တပ်ထဲအတင်းဝင်ရောက်ခိုင်းတာတွေ ဆက် တိုက်လုပ်ဆောင်နေပါတယ်။
စစ်ကောင်စီက တပ်သားသစ်တွေစုဆောင်းပြီး ရှေ့တန်းစစ်မျက်နှာပြင်တွေကို ပို့ဆောင်နေပေမယ့် ရက်တို သင်တန်းလောက်သာတက်ရောက်ခဲ့ရတဲ့ တပ်သားသစ်တွေအပေါ် ရှေ့တန်းက အထက်အရာရှိတွေကလည်း မယုံကြည်ကြဘဲ စစ်ကြောင်းထွက်ချိန်မှာတောင် သေနတ်ကျည်ပေးမထိုးတာတွေအထိ တင်းကြပ်တဲ့အမိန့်တွေ ထုတ်ထားပါတယ်။
တပ်သားသစ်တွေရှေ့တန်းမှာကြုံရတဲ့အခြေအနေ ၊ တပ်သားသစ်အဖြစ်စုဆောင်းခံရတဲ့ အခြေအနေတွေနဲ့ ပတ်သက်ပြီး စစ်ကောင်စီ တပ်မ ၄၄ ကနေ ပြီးခဲ့တဲ့ ဒီဇင်ဘာလ ၂၈ ရက်က ထွက်ပြေးလွတ်မြောက်လာတဲ့ တပ်သား ဇင်မြတ်ရှိုင်း ကို သံလွင်ခက်က တွေ့ဆုံမေးမြန်းထားပါတယ်။
6 сен 2024
