သံတွဲက ခလရ ၅၅ ကို AA သိမ်းပိုက် ... နောင်ချို အမတ ၆၀၆ က သိမ်းမိလက်နက်တွေ TNLA ထုတ်ပြန်... ၁၀၂၇ ဒုတိယလှိုင်း နောက်ဆုံးရ သတင်းများ
(၁၂-၇-၂၀၂၄)
ရခိုင်ပြည်နယ်၊ သံတွဲမြို့နယ်က စစ်ကောင်စီ တပ်ရင်းတခုနဲ့ မောင်တောမြို့နယ်က နယ်ခြားစောင့် တပ်စခန်းတခုကို ထပ်မံသိမ်းပိုက်လိုက်တယ်၊ လက်နက်ခဲယမ်းတွေလည်း များစွာသိမ်းမိတယ်လို့ AA
- အာရက္ခတပ်တော်က သတင်းထုတ်ပြန်ပါတယ်။
သံတွဲအခြေစိုက် ခလရ (၅၅) တပ်ရင်းကို ဇူလိုင် (၉) ရက်၊ မနက် ၁၀ နာရီခန့်မှာ အပြီးသိမ်းနိုင်ခဲ့ပြီး လက်နက်ခဲယမ်းများစွာ၊ စစ်အသုံးအဆောင်များစွာ သိမ်းမိတယ်လို့ဆိုပါတယ်။
ဒါဟာ သံတွဲလေယာဉ်ကွင်းအနီးရှိ ခမရ (၅၆၆) နဲ့ သံတွဲလေဆိပ်ကို ပြီးခဲ့တဲ့
သီတင်းပတ်က သိမ်းပိုက်ပြီးနောက် နောက်ထပ်တပ်ရင်းတခုကို
ဆက်တိုက်သိမ်းပိုက်လိုက်တာလည်းဖြစ်ပါတယ်။
မောင်တောဒေသမှာ သိမ်းလိုက်တဲ့စခန်းကတော့ နခခ (၅) မြို့သူကြီးစခန်း
အနီးရှိ မကျည်းချောင်း (မကျီးချောင်း) နယ်ခြားစောင့်တပ်စခန်းဖြစ်ပြီး
ဇူလိုင် (၁၁) ရက်၊ မနက် ၉ နာရီခန့်မှာ အပြီးသိမ်းပိုက်လိုက်တယ်။
စစ်ကောင်စီရဲ့အလောင်းတွေ၊ လက်နက်ခဲယမ်းနဲ့စစ်အသုံးဆောင်များစွာနဲ့အတူ
အရှင်ဖမ်းမိသူတွေလည်းရှိတယ်လို့ ဖေါ်ပြပါတယ်။
ဒီနယ်ခြားစောင့်ခစန်းက စစ်သားနဲ့ရဲသားအချို့ဟာ ဘင်္ဂလားဒေ့ရှ်ဖက်
ထွက်ပြေးသွားတယ်လို့လည်း ဆိုပါတယ်။ AA - အာရက္ခတပ်တော်ကတော့
ထိုးစစ်တွေကို အရှိန်မြှင့်ဆောင်ရွက်နေတယ်လို့ ဖေါ်ပြထားပါတယ်။
ဒါ့အပြင်...
- နောင်ချိုုမြို့သိမ်းတိုက်ပွဲက ရရှိတဲ့ အတွဲလိုက် ဒုံးတွေအပါဝင်
လက်နက်ခဲယမ်းများစွာကို TNLA ထုတ်ပြန်...
- နောင်ချို အမတ ၆၀၆ က သိမ်းမိတဲ့လက်နက်တွေအပြင် မတ္တရာမြို့နယ်
အင်ကြင်းမြိုင်တပ်၊ လက်နက်ကြီးခစန်းက သိမ်းမိထားတဲ့ လေယာဉ်ပစ်
စက်သေနတ်ကြီးတွေကို ပြန်လည်ပြင်ဆင်ထားပြီး အသုံးပြုနိုင်နေပြီလို့
PDF-MDY အသိပေး...
- UWSA “ဝ” စစ်ကြောင်းတခု တန့်ယန်းမြို့ဆီ ဝင်လာတယ်လို့
ဒေသတွင်းမီဒီယာတွေက ဖေါ်ပြ...
- ထီးလင်းမြိုရှိ ထွေ/အုပ် ရုံး၊ ဗျာဒိတ်ကုန်း၊ မီးသတ်ကုန်း၊ ရဲစခန်း၊
အပါအဝင် စစ်ကောင်စီဘက်က တပ်စွဲထားတဲ့ နေရာတွေကို ဒေသခံ PDF တွေက Drone
ဗုံးသီးတွေ၊ လက်နက်ကြီးတွေနဲ့ ပစ်ခတ်တိုက်ခိုက်...
- ပုလောမြို့နယ်၊ ၅ မိုင်ရွာအနီး စစ်ကြောင်းထိုးလာတဲ့ စစ်ကောင်စီတပ်ကို
ဒေသခံ တော်လှန်ရေးတပ်တွေက ကြားဖြတ်တိုက်ခိုက်တဲ့အတွက် ဗိုလ်မှူးတဦး
အပါအဝင် ၅ ဦး သေ၊ ၂ ဦးကို လက်ရဖမ်းမိ၊ လက်နက်တွေလည်းရရှိ...
... စတဲ့ သတင်းတွေကို စုစည်းတင်ပြထားပါတယ်။
(သတင်းနှင့် အင်တာဗျူးများ ကြည့်ပြီးပါက ဤ youtube ချယ်နယ်ကို Subscribe
လုပ်ရန် တိုက်တွန်းပါသည်။ / burmanewsnetwork )
=====
BNN သတင်းဌာနသည် ဒီမိုကရေစီ နှင့် လူ့အခွင့်အရေးကို အလေးထားပြီး မြန်မာပြည်သူတို့အတွက် သတင်းမှန် များကိုသာ တင်ဆက်ပေးသွား မည်ဖြစ်သည်။
Burma News Network
7 сен 2024