၂၀၂၄ ခုနှစ် စက်တင်ဘာလ ၁၈ ရက်၊ ညနေ ၅:၀၀ အချိန် မိုးလေဝသ အထူးသတိပေးချက်

Подписаться 571 тыс.

Просмотров 30 тыс.

50% 1

တောင်တရုတ်ပင်လယ်ပြင်တွင်ဖြစ်ပေါ်လျှက်ရှိသည့် အပူပိုင်းမုန်တိုင်းနှင့်စပ်လျဉ်း၍ သတင်းထုတ်ပြန်ခြင်း
၂၀၂၄ခုနှစ်၊ စက်တင်ဘာလ ၁၈ ရက်
အပူပိုင်းမုန်တိုင်းအခြေအနေ
နိုင်ငံတကာမိုးလေဝသဌာနများ၏ ၂၀၂၄ခုနှစ်၊ စက်တင်ဘာလ(၁၈)ရက်နေ့ ညနေ(၅း၀၀)နာရီအချိန် ခန့်မှန်းချက်များအရ တောင်တရုတ်ပင်လယ်အတွင်း ဖြစ်ပေါ်နေသည့် အပူပိုင်းမုန်တိုင်းငယ်သည် အနောက်နှင့် အနောက်တောင်ဘက်သို့ ဦးတည်ရွေ့လျားနေပါသည်။ အဆိုပါမုန်တိုင်းငယ်သည် ပိုမိုအားကောင်းလာကာ စက်တင်ဘာလ ၁၉ ရက်နေ့အတွင်း အပူပိုင်းမုန်တိုင်းအဖြစ်သို့ ရောက်ရှိနိုင် မည်ဟု ခန့်မှန်းထားပါသည်။ စက်တင်ဘာလ ၁၉ ရက်နေ့ ညပိုင်းတွင် အပူပိုင်းမုန်တိုင်းငယ် အဖြစ်သို့ အားပြန်လျော့သွားကာ အနောက်မြောက်ဘက်သို့ ဦးတည်ရွေ့လျားနိုင်ပါသည်။ ထို့နောက် စက်တင် ဘာလ ၂၀ ရက်နေ့ အစောပိုင်းတွင် အပူပိုင်းမုန်တိုင်းငယ်အဆင့်ဖြင့် ဗီယက်နမ်နိုင်ငံ အလယ်ပိုင်းကို ဖြတ်သန်းဝင်ရောက်မည်ဟု ခန့်မှန်းပါသည်။
အကြံပြုချက်
အဆိုပါအပူပိုင်းမုန်တိုင်းများ၏ သက်ရောက်မှုများကြောင့် လာမည့် စက်တင်ဘာလ ၂၀ရက်မှစတင်၍ မြန်မာနိုင်ငံအရှေ့ပိုင်းနှင့် အရှေ့တောင်ပိုင်း ဒေသများတွင် မိုးသည်းထန်စွာရွာသွန်းခြင်း၊ လေပြင်းတိုက် ခတ်ခြင်း၊ မိုးကြိုးပစ်ခြင်း၊ မြေနိမ့်ဒေသများတွင် ရေလွှမ်းမိုးခြင်းနှင့် မြေပြိုခြင်းများ ဖြစ်ပွားနိုင်ပါ သည်။ သို့ဖြစ်ရာ အဆိုပါဒေသများတွင် နေထိုင်ကြသည့် ဒေသခံပြည်သူများအနေဖြင့် နေရာကွက်၍ မိုးကြီးခြင်း၊ ရေလွှမ်းမိုးခြင်းနှင့် မြေပြိုခြင်းအန္တရာယ်များကို သတိပြုနေထိုင်ကြပါရန် အသိပေးတင်ပြ အပ်ပါသည်။
မှတ်ချက်
မိုးလေဝသဖြစ်စဉ်များသည် အချိန်နှင့်အမျှ ပြောင်းလဲဖြစ်ပေါ်နိုင်သည့်အတွက် နေ့အလိုက်ခန့်မှန်း ချက်များကို အထူးသတိထားစောင့်ကြည့်ပေးကြပါရန် တိုက်တွန်းနှိုးဆော်အပ်ပါသည်။
#PVTV
#weatherforecast