ავღანეთში დაღუპული ქართველი სამხედროს ხსოვნისთვის პატივის მისაგებად საზოგადოების წარმომადგენლებმა და სამხედროებმა თბილისის ქუჩებში ცოცხალი ჯაჭვი შეკრეს. IV მექანიზირებული ბრიგადის 43-ე ბატალიონის პირველი კლასის რიგითის, ვასილ ყულჯანიშვილის ცხედარი სამშობლოში დღეს ბაგრამის საავიაციო ბაზიდან აშშ-ის საჰაერო ძალების სამხედრო თვითმფრინავით სპეციალური რეისით გადმოასვენეს. დაღუპული ჯარისკაცი აეროპორტიდან შინაგან საქმეთა სამინისტროს ესკორტმა მოტოციკლეტებითა და პატრულის ციმციმიანი ავტომანქანებით გააცილა.
22 окт 2024
