ეგოს დაცვის მექანიზმი-ინტელექტუალიზაცია 

ინტელექტუალიზაცია არის ეგოს დაცვის მექანიზმი, ანუ ფსიქიკის დამცავი მექანიცმი, რომელიც ადამიანს "ეხმარება" თავი აარიდოს მატრავმირებელი ან უბრალოდ სტრესული მოვლენის დროს მოიპოვოს სიმშვიდე. ამ დროს ადამიანი უარს ამბობს მტკივნეული, არასასიამოვნო ემოციების აღქმაზე და ცდილობს ყურადღება პრობლემის მოსაგვარებელ ნაწილებზე გადაიტანოს. არის შემთხვევები, როცა ადამიანს სწორედ ეს სჭირდება, რომ გული არ გაუსკდეს, რომ შეძლოს გაქცევა ან ბრძოლა, ან თუნდაც გაყინვა, თუმცა თუ ეს ხდება პათოლოგიური ხარისხით, ის სევდა, შფოთვა, ტკივილი აუცილებლად მიიღებს სხვა, მეტად არაჯანსაღ შედეგს და ადამიანს შესაძლოა განუვითარდეს შფოთვითი, გუნება-განწყობილების ან სომატური აშლილობება. რა თქმა უნდა, ხშირად შემთხვევა ძალიან მძიმე აღსაქმელია, ძალიან მტკივნეულია მისი აღქმა, შეგრძნება, თუმცა ესეც ცხოვრების ნაწილია. ამას თავს ვერავინ აარიდებს. ყველა ჩვენგანს უწევს მტკივნეულ და მძიმე მოვლენებთან თვალის გასწორება. გისურვებთ, რომ ღმერთის წყალობით შეძლოთ ყველა პრობლემისთვის თვალის გასწორება, სულიერი სიძლიერის შენარჩუნება და მომავლის იმედით ცხოვრების გაგრძელება !