საქართველოს ახალგაზრდა მეცნიერთა საზოგადოების მამარდაშვილის ფილოსოფიის ინსტიტუტის ორგანიზებით 2015 წლის 27 მარტს ჩატარდა ლექცია: "ფრიდრიხ ჰაიეკი - თავისუფლების კონსტიტუცია". ლექცია წაიკითხა თენგიზ ვერულავამ.
როგორ შეიძლება რუსოს დავდოთ ბრალი ანტიჰუმანიზმში, ჩვენი დროის გამორჩეული ჰუმანისტების შთაგონების წყაროს? კონტექსტიდან ამოგლეჯილი ფრაზაა ბატონო თენგიზ, რომელსაც სარჩულად იყენებთ ჰაიეკის იდეების ინტერპრეტირებისას. გამოდის რომ დღევანდელი გადასახედიდან უყურებთ რუსოს და ცდილობთ დღევანდელობით ახსნათ მისი სიტყვები. რატომ არ ითვალისწინებთ იმ დროს, როდესაც წერდა რუსო, რატომ არ ითვალისწინებთ რისადმი იყო ეს დისკურსი მიძღვნილი? მაშინდელი რუსო უდრის დღევანდელ 50 ჰაიეკს, ბატონო თენგიზ.
რუსოს ფრაზა "ცივილიზაციამ გააუბედურა ადამიანი" სულაც არ გახლავთ ანტიჰუმანური. და ამ ლექციაში ამას ვერსად ვერ ნახავთ. აქ საუბარია ორ მიდგომაზე: 1. ლიბერალური ინდივიდუალიზმის ბრიტანული ტრადიცია (მანდევილი, იუმი, სმითი), რომლის მიხედვით, ცივილიზაცია, სოციალური ნორმები და ინსტიტუტები წარმოიშვა დაუგეგმავად, "სპონტანური წესრიგით” და 2. ფრანგული რაციონალისტური მიდგომა (რუსო, დეკარტი, სენტ-სიმონი), რომლის მიხედვით, ცივილიზაცია გახლავთ "შეგნებული, გაცნობიერებული წესრიგი”, რომელიც იბადება წინასწარ შემუშავებული გეგმებით, და მიმართულია ნათლად გამოკვეთილი მიზნების მისაღწევად.
