ძალიან მარტივია. აიღეთ ფქვილი, ვთქვათ 200 გრ. ჩაყარეთ ქილაში, დაამატეთ ერთი სუფრის კოვზი მთხლე, ანუ ღვინის ლექი, ახალი ღვინის, დაუმატეთ დაახლოებით 100 გრ. ნადგომი წყალი (ანუ პირდაპირ ონკანიდან რომ არ იყოს, ოთახის ტემპერატურის), მოურიეთ კოვზით კარგად, სქელი მაწონივით რომ გახდეს, დააფარეთ სახურავი ან ტილო, არა გერმეტულად. მეორე დღეს, როცა შენიშნავთ, რომ მოიმატა მასამ და ბუშტები გაჩნდა, დაუმატეთ 100 გრ. ფქვილი და 50 გრ. წყალი, ისევ მოურიეთ. მესამე დღესაც იგივე გააკეთეთ და როცა მასა კარგად ამოფუვდება, მზად იქნება. რამდენიც დაგჭირდებათ გამოიყენეთ, დანარჩენი მაცივარში შეინახეთ. თუ ხშირად არ გამოიყენებთ, გამოღების შემდეგ 2-ჯერ დასჭირდება გააქტიურება, ღამით და დილით, მერე როცა კარგად ამოფუვდება, გამოიყენებთ. რაც უფრო ხშირად გამოიყენებთ, უფრო კარგ ფორმაში იქნება. 20 დღე თუ არ გამოიყენეთ, შეიძლება აღარ ივარგოს. ეს ყველაფერი რაც დავწერე, ზოგადია, კონკრეტული უკვე პრაქტიკით ისწავლება. საფუარი ბევრნაირად კეთდება, მაგრამ ღვინის ლექით უფრო ძლიერი და გამძლე გამოდის. თუ ლექს ვერ იშოვით, იყიდეთ ნებისმიერი ყურძენი, ჯობია გლეხური, რომ შესანახი ქიმია არ ესხას ზედ. ერთი კილო ყურძნიდან გამოვა 400-500 გრ წვენი, ჩაასხით ქილაში, 2-3 დღეში ადუღდება, დუღილი რომ შესუსტებისკენ წავა, დაახლოებით 1 კვირა რომ გავა, ლექი გაჩნდება და გამოიყენებთ. თუ რაიმე გაუგებარია, მკითხეთ და უფრო დაწვრილებით დავწერ.
