„მოძღვრის საათი“ ზუგდიდის მუნიციპალიტეტის ბიბლიოთეკების მართვის ცენტრის Facebook-გვერდზე. პირდაპირი ეთერის ჩანაწერი. / 2670788196508463 (შენდობას გთხოვთ ხარვეზიანი ხმისათვის).
მამაო ეკლესიურად ვცხობრობ, ვეზიარები. როგორ მინდა უფალი ძალიან მიყვარდეს გულით. გონებით მიყვარს მაგრამ ცხოვრებაში ვხედავ სხვა რაღაცეებით უფრო ვარ გახარებული. მასწავლე უფლის სიყვარული მამაო.
ჭეშმარიტი სიყვარული არ არის ადამიანური ემოცია, არამედ ნიჭი ღმრთისა, საღმრთო მადლის მოქმედება ადამიანში. სიყვარული უმაღლესი ნიჭია, რომელიც ენიჭება ადამიანს, როგორც გვირგვინი სათნოებათა და მის მოხვეჭას წინ შეუპოვარი სულიერი ბრძოლა უძღვის. უფალი ბრძანებს: „ უკეთუ გიყუარ მე, მცნებანი ჩემნი დაიმარხენით.“ (ინ. 14:15). როგორც სიყვარულის გამოვლინება არის ღმრთის სრული მორჩილება, ასევე ღმრთის მორჩილებით, მცნებათა აღსრულებით მოიხვეჭება სიყვარული ღმრთისა და მოყვასისა.
