როგორ მოვამზადოთ კუბდარი 

ღორის ხორცი 100 გრ.
საქონლის ხორცი 150 გრ.
ხახვი 2 თავი
ხმელი ქინძი 1/2 ჩ.კ.
უცხო სუნელი 1/2 ჩ.კ.
ძირა 1/3 ჩ.კ.
ფქვილი 300 გრ.
საფუარი 10გ
კარაქი 40 გრ.
სვანური მარილი
მარილი და წითელი წიწაკა გემოვნებით
მომზადების წესი:
მოზილეთ საფუარიანი ცომი. ორიგინალურ რეცეპტში გამოიყენება საფუარიანი ცომი ცხიმის და რძის გარეშე, ანუ მოზელილი წყალზე და საფუარზე. ხაჭაპურის ცომისგან განსხვავებით, ცომი კუბდარისთვის უნდა იყოს მეტად გადაზელილი. შიგთავსისთვის დაკეპეთ საქონლის და ღორის ხორცი. დასაკეპად გამოიყენეთ მძიმე და კარგად გალესილი დანა. დაკეპილ ხორცს დაუმატეთ სუნელები, წვრილად დაკეპილი ხახვი, წითელი წიწაკა და მარილი გემოვნებით. ნამდვილ ანუ სვანურ რეცეპტში, გამოიყენება სანელებელი გიცრული. გიცრულის უქონლობის შემთხვევაში, შეგიძლიათ გამოიყენოთ მოცემული რეცეპტი. დაკეპილი ხორცი მოათავსეთ გაბრტყელებულ ცომში და შეახვიეთ ის. კუბდარი გააპრტყელეთ და მოათავსეთ ღუმელში 180-200 გრადუს ტემპერატურაზე დაახლოებით 15 წუთის განმავლობაში. გამომცხვარ კუბდარს წაუსვით კარაქი ან ერბო.
წყარო: ვიკიპედია
#კუბდარი #სვანურიკუბდარი #კულინარია
⚠️გამოიწერეთ და გააქტიურეთ ნოთიფიკაციის ღილაკი 🔔: / @yourcookingshow