ზოგჯერ საუბრისას გამომრჩება ხოლმე რაღაც სიმბოლიების ახსნა და მერე მახსენდება. ალბათ საინტერესო იქნება ზოგისთვის რისი სიმბოლია თონეში ჯდომა და რატომ არ ამბობს ქალი რომ, დედინაცვალი მალავს მას? თონეში პური ცხვება და სიმბოლურად ქალი საბოლოო ფორმირებას იღებს როგორც ინდივიდი. ის ცომი აღარაა. პურივით სასარგებლოა. პური კი თავის მხრივ სიბრძნის ძველთაძველი სიმბოლოა. ამ ეტაპზე ის თავის თავზე არ საუბრობს, მასში სიბრძნეა გახსნილი და მაგიტომ. მის ნაყოფიერებაზე ცუგა ანუ იგივე მაგნეტური ცენტრის მქონე მეგობარი აცნობებს სიმართლის მაძიებლებს. ის თვითკმარია და მთლიანი. სხვისგან აღიარება არ სჭირდება და თუ არ იპოვნიან, ხმას ზედმეტად არ ამოიღებს. როცა ეკითხებიან, მხოლოდ მაშინ ადასტურებს რომ ოქროს ქოში მისია. როცა ადამიანი აღიარებას საერთოდ არ ეძებს გარეთ და მხოლოდ საკუთარ თავში მართველად რჩება, ის უკვე დედოფალია. გერი ანუ კონკია, რაც გინდა დავარქვათ მას, დედოფალი მანამდის იყო საკუთარ თავში, სანამ ხელმწიფე იპოვნიდა. "რომ გამოგძერწავ, მერე, გამოგწვავ, რომ ვერც ცეცხლი და ვერც წყალი ვერ გაგეკაროს"♥️ ზუსტად მასზეა ნათქვამი.