2020 წლის 9 ნოემბერს "სირცხვილიამ" დაუმორჩილებლობა გამოუცხადა კომენდანტის საათს და პარლამენტის წინ პროტესტით დაარღვია ხელისუფლების მიერ დაწესებული გადაადგილების შეზღუდვა.
"სირცხვილიას" სამი დამფუძნებელი წევრი: გიორგი მჟავანაძე, ნოდარ რუხაძე და ლექსო მაჭავარიანი რუსთაველზე ღამის თენებისთვის შეშის მიტანის გამო შეაჩერეს და შემდეგ მოგონილი მიზეზებით დააკავეს, რადგან დაკავების მომენტში არც ერთ მათგანს შეშა ხელში არ ეჭირა.
დაკავებისას, ფიზიკურად გაუსწორდნენ გიორგი მჟავანაძეს. 24 საათიანი წინასწარი დაკავების შემდეგ, მოსამართლე თამარ მეშველიანმა 1000 ლარით დააჯარიმა ლექსო მაჭავარიანი, 1500-ით - ნოდარ რუხაძე, გიორგის კი 3 დღიანი პატიმრობა მიუსაჯა.
11 сен 2024