სწავლა-სწავლების პროცესში ყველა მოსწავლისათვის რელევანტური სასწავლო მეთოდების, მასალებისა და შეფასების სისტემის გამოყენება უნივერსალური სასწავლო დიზაინის ძირითადი პრინციპებია. ამ პრინციპების მიხედვით დაგეგმილი სასწავლო პროცესი ეფექტიანია ყველასათვის და არა მოსწავლეთა გარკვეული ჯგუფისათვის.
უნივერსალური სასწავლო დიზაინის თემაზე მიძღვნილ ვებინარში საუბარია, თუ რამდენად მნიშვნელოვანია ინკლუზიური გარემოს ხელშეწყობისათვის საგაკვეთილო პროცესში მასალის მიწოდებისა და გამოხატვის მრავალფეროვანი საშუალებების/გზების გამოყენება. თუ რა როლი აქვს სასწავლო პროცესში მოსწავლის ინტერესების გათვალისწინებას, რათა მათ უპასუხონ კითხვას - ,,რატომ ვსწავლობ და რაში გამომადგება ეს ცოდნა?“. სწავლა-სწავლების პროცესის ამ პრინციპების მიხედვით დაგეგმვა, გაზრდის სწავლის მიმართ მოსწავლის შინაგან მოტივაციას.
20 апр 2023
