TBM გვირაბგამყვანი დანადგარით კობი-ქვეშეთის დამაკავშირებელი 9 კმ-იანი გვირაბის ბურღვის სამუშაოები დღეს დაიწყო.
ქვეშეთი-კობის 23 კმ-იანი გზისა და 9 კმ-იანი გვირაბის მშენებლობა ჩრდილოეთ-სამხრეთის დერეფნის ჩქაროსნულ მაგისტრალად მოდერნიზების პროექტის უმნიშვნელოვანესი ნაწილია.
პროექტის საერთო ღირებულება 1.2 მილიარდი ლარია. მშენებლობას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი, აზიის განვითარებისა და ევროპის რეკონსტრუქციისა და განვითარების ბანკების (ADB, EBRD) ფინანსური მხარდაჭერით ახორციელებს. სამშენებლო პროცესს მონიტორინგს საერთაშორისო საზედამხედველო კომპანია UBM უწევს. პროექტის დასრულება 2024 წლისთვის იგეგმება.
#განვითარებისახალიგზა #ქვეშეთიკობი #kveshetikobi
1 окт 2024
