ለዘመናት ከእኔ ዘንድ ቆይቷል
ከአንተ ዉጭ የሚረዳኝ ታጥቷል
ብዙ ሮጥኩኝ መድሃኒት ፍለጋ
ግን አላገኘሁ መጣሁ ወደ አንተ ጋ
ዛሬ በዚህ መኃል ታልፋለህ
አምኜሃለሁ ትፈዉሰኛለህ
ይኸዉ ሸክሜ ይኸዉ ህመሜ ኢየሱስ
ከዚህ አልዉጣ ሳልገናኝህ ሳልፈወስ
በመጠበቂያዬ እጠብቅሃለሁ አስክታገኘኝ እጅህ
አንተን ተስፋ አድርጌ በእምነት ፀናለሁ እስካየዉ ፊትህን
ብዙ ምልህ አለኝ ብዙ እንቆቅልሽ አንተ የምትፈታው
ለማንም ያላልኩት ማንም ማይረዳኝ ላንተ የማሳየው
ስታልፍ ኢየሱስ በጉባኤው
ስታልፍ ጌታ በዚህ መኃል
ኧረ ስታልፍ ኢየሱስ በእምነት ልንካህ
በቃ ስትል ያበቃል ይበራል ብርሃኔ
ከአንተ ዘንድ ነዉ መዳኔ
አንተ ትችላለህ ኤልሻዳይ የሆንክ አምላክ
ጣልቃ ግባና መልሴን ከሰማይ ላክ
አንተ ትችላለህ መግባት በድካሜ
ስራዉ ጌታ ሆይ ይኸዉ ሸክሜ
መሽቶ ይንጋ እንጂ እኔ አልሄድ ከእግርህ ስር
ቅድሚያ ያደረኩኝ ሌላ የለኝ ካንተ በቀር
መታመኛ ህልዉና ተስፋዬ
ኢየሱስ ብቸኛ መኖርያዬ
አንተን ብዬ መጥቻለሁ አንተን ብዬ
ኢየሱስ ብዬ መጥቻለሁ ኢየሱስ ብዬ
22 авг 2024
