አቡን ዘሐምሌ ብርሃናተ ዓለም ጴጥሮስ ወጳውሎስ
በ፭ ይቤሎሙ ኢየሱስ ለአርዳኢሁ ሑሩ ወመሐሩ ለዘየአምን ወንጌለ መንግሥተ ሰማያት ወይቤሎሙ ሑሩ ወመሐሩ ለዘየአምን ወስተ ኲሉ ምድር ወጽአ ነገሮሙ (ወ) ወእስከ አጽናፈ ዓለም በጽሐ ነቢቦሙ (ወ) ኢሐደገ ሰብእ ከመ ይስሐጦሙ (ወ) ወገሠፀ ነገሥተ በእንቲአሆሙ (ወ) ኀረየ ዓሰርተ ወክልኤተ ሐዋርያተ ሤሞሙ ኖሎተ ማ: ወይቤሎሙ ሑሩ ወመሐሩ ለዘየአምን ወንጌለ መንግሥተ ሰማያት።
ዓር: ሐዋርያተ ይሰመዩ እስከ አጽናፈ ዓለም ስምዖን ጴጥሮስ ወእንድርያስ ወጳውሎስኒ ኅቡረ ምስሌሆሙ።
ቅን: ጸለየ ጴጥሮስ አንፃረ ገጸ መስቀል እንዘ ይብል ለምንት አነ እትሀከይ ዓረገ ላዕለ መስቀል ወአስተብቊዖሙ ለሕዝብ ከመ ይስቅልዎ ቊልቊሊተ ወጳውሎስኒ ይቤ ትምእርተ መስቀል እንዘ ንነግር ወዘልፈ ንጸውር ሞቶ ለክርስቶስ በሥጋነ።
ሰላም: ተሣሃልከ እግዚኦ ምድረከ ሃሌ ሉያ
ወሰኑ ወሠርዑ ሃይማኖተ እንተ ኢትጠፍእ በውስተ መክብብ ይቤሎሙ ኢየሱስ ለአርዳኢሁ ኢትፁሩ ወርቀ ወኢብሩረ ወኢአልባሰ ክቡረ ይኄይስ ምጽዋት በተፋቀሮ ወበሰላም።
6 июн 2023
