លោក លោកស្រី ប្រិយមិត្តជាទីស្នេហានេះ ជារូបថតអនុស្សាវរីយ៍គូស្វាមីភរិយាឥស្សរជនជាន់ខ្ពស់នៃកម្ពុជាក្នុងសម័យសង្គមរាស្រ្តនិយមមួយគូ គឺ ឯកឧត្តម ខែក វ៉ាន់ឌី និង លោកជំទាវ ដួង រដ្ឋា ដែលមហាជនបានស្គាល់កន្លងទៅដែលក្រុមព្រះសុរិយាបានផុសផ្សាយពី សម្រស់ដ៏ស្រស់សោភារបស់លោកជំទាវ ជាកូនស្រីអភិជនហេីយបានថតម៉ូឌែលផ្សាយក្នុងទស្សនាវដ្តីអន្តរជាតិនោះ។
ប្រិយមិត្តបានដឹងទេ!
ឯកឧត្តម ខែក វ៉ាន់ឌី ជាឥស្សរជនដ៏មានឈ្មោះល្បីល្បាញមួយរូបតាំងសម័យសង្គមរាស្រ្តនិយម ហេីយបុរសសង្ហាមួយរូបនេះហេីយ ដែលបានសម្តែងក្នុងឈុតមួយនៃរឿងអប្សរា ស្នាព្រះហស្តសម្តេចព្រះនរោត្តម សីហនុ ជាដៃគូរាំវង់ និងរាំឆាឆាឆា យ៉ាងរស់រវេីកជាមួយលោកស្រីសាក់ ស៉ី ស្បោងនោះ។ ឥស្សរភាពដ៏មោះមុតការបំរេីជាតិរបស់លោកគួរតែចារឹកជាប្រវត្តិសាស្រ្តនៃជាតិយេីង។
សូមជម្រាបផងដែរថា ឯកឧត្តម ខែក វ៉ាន់ឌី បានទទួលមរណភាពនាថ្ងៃទី ៣១ ខែកក្កដា ឆ្នាំ២០១២ ឯលោកជំទាវ ដួង រដ្ឋា ទេីបតែទទួលមរណភាពកំឡុងខែតុលា ឆ្នាំ២០២០កន្លងទៅថ្មីៗនេះ។
17 мар 2021
