ចេតិយ៍តារាចម្រៀង ប៉ែន រ៉ន និងហួយ មាស ទើបតែកសាងហើយនៅវត្តតាមឹម ខេត្តបាត់ដំបង 

ចេតិយ៍ទាំងពីរនេះបានកសាងតាមរចនាបទបូរាណខ្មែរ ចំណាយពេលវេលាកសាងអស់រយះពេល៦ខែ ផ្តើមកសាងនៅពីថ្ងៃទី១១ ខែសីហា ឆ្នាំ២០២៣ បានកសាងរួចរាល់ជាស្ថាពរ នៅថ្ងៃទី១៨ ខែកុម្ភៈ ឆ្នាំ២០២៤ ដោយចំណាយថវិកាសរុបចំនួន ៣៤០០០ដុល្លារ ជាថវិកាផ្ទាល់របស់ឯកឧត្តមទេសរដ្ឋមន្រ្តី ប៉ែន វិបុល និងលោកជំទាវ។
យោងតាមប្រសាសន៍របស់ឯកឧត្តមទេសរដ្ឋមន្រ្តី ប៉ែន វិបុល បានអោយក្រុមដំណើរខ្មែរដឹងពីគោលបំណងនៃការកសាងចេតិយនេះថា ឯកឧត្តម​​ពេញចិត្តសំលេងរបស់ពួកគាត់​ ហើយមានចិត្តអាណឹតខ្លោចផ្សាចំពោះការស្លាប់ដ៏អយុត្តិធម៌របស់ពួកគាត់ក្រោមស្នាដៃនៃបិសាចខ្មែរ​ ចំពោះលោកស្រីប៉ែន​ រ៉ន​ វិញ​ មានលក្ខណះពិសេសបន្ថែមទៀតគឺត្រង់ថា លោកស្រីប៉ែនរ៉ន មានស្រុកកំណេីត​ និងត្រកូលដូចបិតាបង្កេីតរបស់ឯកឧត្តម​ គឺ​ ឯកឧត្តម​ ប៉ែន​ ណាវុឌ្ឈ។ ឯកឧត្តមមានប្រសាសន៍បន្ថែមទៀតថា ក្រោយពីបញ្ចប់ការកសាងចេតិយទាំងពីរនេះរួចហើយ ក្រុមការងាររបស់ឯកឧត្តមនឹងចុះទៅយកអដិ្ឋធាតុឧបកិច្ច ពីកន្លែងចុងក្រោយរបស់តារាទាំងពីរ រួចយកមកតម្កល់ទុកក្នុងវត្តសិន រង់ចាំរៀបចំកម្មវិធីឆ្លង និងដង្ហែអដិ្ឋធាតុតម្កល់ក្នុងចេតិយ៍ ក្រោយពេលរៀបចំកម្មវិធីចប់សព្វគ្រប់ហើយ ឯកឧត្តម និងប្រគល់ចេតិយទាំងពីរនេះជូនទៅក្រុមគ្រួសារតារាទាំងពីរដួងជាអ្នកថែរក្សា និងគ្រប់គ្រង។