ជីវភាពប្រចាំថ្ងៃរបស់«ជនជាតិគ្រឹង»នៅរតនគិរី ក្នុងសម័យទំនើប 

នៅក្នុងភូមិល្អក់ ឃុំល្អក់ ស្រុកអូរជុំ ដែលមានចម្ងាយ២៣គីឡូម៉ែត្រ ពីទីរួមខេត្តរតនគិរី សម្បូរដោយមនុស្សវ័យចំណាស់ដែលនៅមានកម្លាំងធ្វើការ គឺពួកគាត់តែងតែទៅធ្វើស្មៅ ថែដំណាំនៅក្នុងចម្ការ បិតស្រាពាងលក់ និងខ្លះទៀតទៅកាប់អុសតាមភ្នំដែលនៅក្បែរភូមិរបស់ពួកគាត់ក៏មាន។ សម្រាប់ការធ្វើម្ហូបប្រចាំថ្ងៃរបស់ជនជាតិគ្រឹងនៅភូមិល្អក់ នេះ ច្រើនតែបេះបន្លែធម្មជាតិពីចម្ការនិងនៅតាមរបងផ្ទះរបស់ពួកគាត់ យកមកស្លបានហូបភ្លាមៗ។
លោក បៀន យ៉ែម វ័យ៤៣ឆ្នាំ ដែលជាក្រុមប្រឹក្សាឃុំល្អក់ បានឲ្យដឹងថា ប្រជាពលរដ្ឋជាង២០០គ្រួសារ រស់នៅក្នុងភូមិល្អក់ នេះ គឺសុទ្ធសឹងជាជនជាតិដើមភាគតិចគ្រឹង ហើយពួកគាត់ភាគច្រើនបំផុតប្រកបរបរធ្វើចម្ការសម្រាប់ចិញ្ចឹមជីភាពរស់នៅប្រចាំថ្ងៃ។ ស្ថិតនៅក្នុងសម្លៀកបំពាក់ជនជាតិដើមភាគតិចគ្រឹង នៅលើខ្នងមានស្ពាយកាផាដាក់អស់ ដែលសារព័ត៌មានថ្មីៗបានសម្ភាសលោកយាយ លំ បាច់ អាយុ៧៤ឆ្នាំ កាលពីចុងឆ្នាំ២០១៨កន្លងទៅ គឺលោកយាយតែងតែក្រោកពីព្រឹកទៅធ្វើស្មៅនៅឯចម្ការ និងស្ពាយអស់យកមកផ្ទះវិញមុនម៉ោងបាយថ្ងៃត្រង់៕
#ជនជាតិដើមភាគតិច
#របរកសិកម្ម
#រតនគិរី
--------------------------------------------------------------------
ThmeyThmey News Social Media:
thmeythmey.com/
/ thmeythmey
/ thmeythmeyvideonews
/ thmeythmeynews
/ thmeythmey