ឈុត រាមសូរទ្រង់គ្រឿង 

របាំសក្ការៈបួងសួងធំ របាំវរជុន៌ មណីមេខលា រាមសូរ♥️🇰🇭
យក្សរាមសូរគឺជា តួយក្សធំមួយក្នុងចំណោមតួធំៗ ក្នុងទម្រង់ល្ខោនហ្លួងខ្មែរ ឈុតរាមសូរទ្រង់គ្រឿងនេះគឺបង្ហាញអំពីអំណាចនិងតេជៈនុភាពយ៉ាងក្រអាលអាងក្លានៃយក្សរាមសូរ។ក្នុងឈុតនេះយើងរាប់ជាឈុតធំ១ដែរក្នុងរបាំនេះដោយមានបញ្ចូលក្បាច់រាំធំក្នុងភ្លេងរោទិ៍ភពផាត់(ភុំផាត់)ដែលជាភ្លេងពិសេសរាប់ជាភ្លេងធំសក្ការៈផងដែរ។
ចម្រៀងដកស្រង់ឈុតរាមសូរទ្រង់គ្រឿង
ភ្លេងប្រគុំបទជើត
ច្រៀងបទរើរាយ
កាលអើយកាលណោះ ឯអង្គរាមសូរក្រុងយក្សា(២ដង)
អាស្រ័យនៅស្រទាប់មេឃា ជាទីសុខាត្រេកត្រអាល(២ដង)
មានពូថៅពេជ្រជាអាវុធ ចិត្តមុតម្នោម្នាសពាសពេញពោរ(២ដង)
ទាំងឆកាមាជាន់បាតាល រអាលចាលចាញ់ឫទ្ធិតេជដៃ(២ដង)
ធំចិត្តអាងឫទ្ធិអាងអំណាច សិរនាថដូចរាជរាសីក្រៃ(២ដង)
ប្រដាប់អង្គទ្រង់គ្រឿងទើបប្រពៃ ចាប់ពូថៅពេជ្រជ័យហេវហោះខ្មី ។២ដង)
ភ្លេងប្រគុំបទ រោទិ៍ភពផាត់ ឬរួភុំផាត់
ប្រភពវីដេអូឯកសារដោយ :លោកគ្រូ ព្រឿង ឈៀង
លោកគ្រូ ឯក ស៉ីដេ