តើអាហារនិងភេសជ្ជអ្វីខ្លះដែលត្រូវតម ពេលធ្វើដំណើរផ្សងព្រេងតាមព្រៃភ្នំ? (ភាគបញ្ចប់) 

ភ្នំពេញ៖ ភ្ញៀវទេសចរដែលមិនធ្លាប់ដើរកម្សាន្តផ្សងព្រេងបែបឡើងភ្នំ ពួកគាត់យល់ថា ការទទួលទានភេសជ្ជៈនិងអាហារប៉ូវកម្លាំង អាចជួយឲ្យពួកគេឡើងភ្នំដោយមិនសូវនឿយហត់ និងឆាប់ដល់គោលដៅ។ ការយល់ឃើញបែបនេះ គឺពុំត្រឹមត្រូវឡើយសម្រាប់អ្នកដែលមានបទពិសោធធ្វើដំណើរឡើងភ្នំច្រើនដង។ លោក ជា ថុង ស្ថាបនិកក្រុមហ៊ុន Vana Adventure Travel បានឲ្យដឹងថា ប្រភេទភេសជ្ជៈប៉ូវកម្លាំង និងអាហារដែលសម្បូរជាតិខ្លាញ់, អាហារហឹរ និងអាហារឆៅ ជាប្រភេទអាហារដែលត្រូវតមនៅពេលធ្វើដំណើរផ្សងព្រេងដើរព្រៃភ្នំ។ លោក ថុង បញ្ជាក់ថា ប្រភេទភេសជ្ជៈនិងអាហារទាំងនោះ ធ្វើឲ្យអ្នកដំណើរបាត់បង់ជាតិទឹក ក្តៅខ្លួន និងអាចកើតជំងឺផ្សេងៗទៀតផង។ ផ្ទុយទៅវិញ លោក ជា ថុង ផ្តល់យោបល់តាមបទពិសោធដែលលោកបាននាំភ្ញៀវដើរផ្សងព្រេងតាមព្រៃភ្នំ ដូច្នេះថា ប្រភេទអាហារដែលល្អសម្រាប់អ្នកធ្វើដំណើរពេលកំពុងដើរព្រៃ មានដូចជា ទឹក ផ្លែចេក និងប្រភេទគ្រាប់ធញ្ញជាតិជាដើម៕
#bushcraft
#Adventure
#Travel
--------------------------------------------------------------------
ThmeyThmey News Social Media:
thmeythmey.com/
/ thmeythmey
/ thmeythmeyvideonews
/ thmeythmeynews
/ thmeythmey