ថ្មគោលស្រមោលស្នេហ៍
បទភ្លេងដោយលោក ស៊ីន ស៊ីសាមុត
ទំនុកច្រៀងដោយលោក គង្គ ប៊ុនឈឿន
ដឹកនាំវង់ភ្លេងដោយលោក ហាស់ សាឡន
ច្រៀងដោយលោក ស៊ីន ស៊ីសាមុត និង អ្នកស្រី រស់ សេរីសុទ្ធា
១ - (ប) រសៀលគងភ្នំទ្រនំចិន្ដា ក្រោមដើមពុទ្រានាភូមិថ្មគោល
គោកឃ្មុំទោចយំខ្នងភ្នំក្អែកបូល ស្រណោះស្ពានយោលស្រមោលដួងចិត្ត
២ - (ស) យើងអង្គុយលេងស្ដាប់ភ្លេងវាយោ ក្រោមស្ពានទឹកហូរជំនោរជីវិត
ភូមិជណ្ដើរស្វាចំណារដួងចិត្ត ត្រពាំងអម្រឹតផ្ដេកផ្ដិតឱរា
បន្ទរ - (ប) ថ្ងៃនេះយើងស្គាល់ឋានសួគ៌ពិតហើយ ម្ចាស់ស្នេហ៍បងអើយកុំប្រែចិន្ដា
(ស) សូមឲ្យព្រះអង្គវត្តជណ្ដើរស្វា ជួយចាំកត់ត្រាស្នេហានេះផង
៣ - (ប) បើបងក្បត់អូនឲ្យសូន្យដូចខ្យល់ (ស) បើអូនមានកលឲ្យខ្វល់ដូចផ្សែង
(ប) ពីថ្ងៃនេះទៅពៅកុំចំបែង (រួមគ្នា) ផ្លូវស្នេហ៍យើងវែងលុះលង់មរណា
26 июн 2024
