នាយករដ្ឋមន្ត្រីអង់គ្លេស លោក Keir Starmer បានបង្ហាញថា អ៊ុយក្រែនអាចប្រើប្រាស់កាំជ្រួច Storm Shadow របស់ចក្រភពអង់គ្លេស ដើម្បីតម្រង់គោលដៅ យោធានៅក្នុងប្រទេសរុស្ស៊ី ដោយបញ្ជាក់ពីការសម្រេចចិត្តរបស់លោក ក្នុងការរក្សាគោលនយោបាយរបស់រដ្ឋាភិបាលអង់គ្លេសមុន លើការដាក់ពង្រាយអាវុធ រយៈចម្ងាយឆ្ងាយទាំងនេះនៅក្នុងសង្រ្គាមជាមួយរុស្ស៊ី។
លោក Starmer បានយល់ព្រមថា វាអាស្រ័យលើអ៊ុយក្រែនក្នុងការសម្រេចចិត្តពីរបៀបប្រើប្រាស់មីស៊ីល Storm Shadow ដែលផ្តល់ដោយចក្រភពអង់គ្លេស។ លោកបានថ្លែងបែបនេះ ខណៈកំពុងថ្លែងទៅកាន់អ្នកសារព័ត៌មានក្នុងអំឡុងពេលលោកធ្វើដំណើរទៅកិច្ចប្រជុំកំពូលរបស់អង្គការ NATO នៅក្រុងវ៉ាស៊ីនតោនកាលពីល្ងាចថ្ងៃអង្គារ។
នាយករដ្ឋមន្ត្រីបានបន្ថែមថា មីស៊ីលនេះត្រូវតែ ប្រើប្រាស់ជាក់ស្តែងស្របតាមច្បាប់មនុស្សធម៌អន្តរជាតិ ដូចដែលបានចែង! ដោយបញ្ជាក់ជំហររបស់គាត់ថា Storm Shadows នឹងត្រូវប្រើប្រាស់ សម្រាប់តែគោលបំណងការពារប៉ុណ្ណោះ"។
គាត់បាននិយាយថា "ប៉ុន្តែវាអាស្រ័យលើអ៊ុយក្រែន ក្នុងការសម្រេចចិត្តពីរបៀបប្រើប្រាស់ ថាត្រូវការពារដោយរបៀបណា" ។ មីស៊ីល Storm Shadows គឺជាមីស៊ីលដឹកនាំ ដ៏ជាក់លាក់ដែលមានរយៈចម្ងាយបាញ់ជាង 250 គីឡូម៉ែត្រ និងច្បាស់លាស់។
10 июл 2024