បណ្ឌិត សាស្រ្តាចារ្យ និងវិស្វករជំនាញជាង៣០រូបមកពីបរទេស ស្លាប់នៅទួលស្លែង 

ក្រោយថ្ងៃឡើងកាន់អំណាច នាថ្ងៃទី១៧ ខែមេសា ឆ្នាំ១៩៧៥ ខ្មែរក្រហមបានរៀបចំផែនការនយោបាយថ្មី ដោយបានដាក់ឈ្មោះរបបរបស់ខ្លួនថា កម្ពុជាប្រជាធិបតេយ្យ រៀបចំការដឹកនាំសង្គមបែបកម្មនីយ៍ផ្តាច់ការ ខុសប្លែកពីគោលការណ៍កំមុយនីសក្នុងពិភពលោក ហើយថែមទៀតសម្លាប់រង្គាលឈាមខ្មែរខ្លួនឯងទៀតផង។
បន្ងែមពីលើនេះទៀតនោះ ពួកខ្មែរក្រហមបានប្រើឧបាយកលមហាសែនថោកទាបបំផុត ដោយអំពាវនាវអោយនិស្សិត បណ្ឌិតបញ្ញាវ័ន្ត មន្រ្តីជាន់ខ្ពស់ ឥស្សរជននយោបាយទាំងអស់ដែលកំពុងរស់នៅបរទេសអោយចូលមកប្រទេសកម្ពុជាវិញ ដោយបញ្ចុះបញ្ចូលពួកគាត់មកបំរើប្រយោជន៍ជាតិ តែផ្ទុយទៅវិញ ពួកខ្មែរក្រហមទាំងនោះបញ្ឆាតមកសម្លាប់សោះ។