បទ នាដកា-ឈីន រតនៈ ភ្លេងចម្រៀង-ប៉ុល ឆម៉ាលីន សម្រួលតន្រ្តី-ហុង ស្រីសន្តិភាព ទីប្រឹក្សាផលិត-សំលឹម សុធា 

នេះជាចម្រៀងដែលផុសចេញពីទឹកចិត្តសិស្សទាំងអស់នៃសិល្បៈវប្បធម៌ជាតិ គោរពជូន អ្នកគ្រូ លោកគ្រូ ជាពិសេសពោរពេញដោយសេចក្ដីស្រលាញ់និងទឹកចិត្តដឹងគុណយ៉ាងជ្រាលជ្រៅបំផុតចំពោះការលះបង់កម្លាំងកាយចិត្តបង្ហាត់បង្រៀនដល់យើងខ្ញុំដោយការយកចិត្តទុកដាក់បំផុត។ សូមគោរពជូនពរលោកទាំងអស់សូមបានប្រកបនឹងពុទ្ធពរកុំបីខកខានឡើយ 🙏🙏🙏❤️❤️❤️
បទ នាដកា
ចាកចូងចាក ធីងចូងធីង…
១. ឈានជើងលើឆាកជានាដកា
មិនផុតនេត្រាអ្នកសម្លឹងឡើយ
តាំងពីតូចរហូតមកដល់ធំហើយ
ឱអ្នកម្ដាយអើយប្រឹងទាល់តែញើសហូរ ។
២. ពាក្យថាអ្នកតើនរណាមិនដឹង?
ងើបខ្លួនប្រឹងបានគ្រាន់តែឮសូរ
អប់រំអភ័យវិន័យសេចក្ដីថ្លៃថ្នូរ
មាតានៃសមូហៈវិជ្ជាសិល្បៈ ។
R. ពេលវេលាអ្នកប្រែជាមនុស្សចាស់
ក្បាច់អ្នកចាំច្បាស់លោកថែណាស់ទ្រព្យអរូបី
កាយនឿយហត់លះបង់អត់ធ្មត់មិនស្ដី
មរតករស់មានតម្លៃនៃវប្បធម៌កម្ពុជា ។
៣. បួងសួងសូមអ្នកសុខគ្រប់គ្រា
ទុក្ខសោករោគានិរាសខ្ចាត់ខ្ចាយ
គតិបណ្ឌិតវាងវៃជោគជ័យជិតឆ្ងាយ
សូមសុខសប្បាយអាយុយឺនយូរ ។
ភ្លេង
ពោល : ជើងរបស់ខ្ញុំគគ្រិចណាស់ តែម្រាមដៃអ្នកគ្រូកាន់ទ្រដល់បាតជើងខ្ញុំទៀត ខ្ញុំចាំបានថាកាលពីមុនផ្លូវក៏លំបាក សាលាក៏លិចទឹកទៀត តែអ្នកគ្រូនៅតែខំមកបង្ហាត់ពួកយើងមិនហ៊ានឈប់សម្រាកឡើយ តាមពិតសមត្ថភាពរបស់គាត់អាចយកទៅធ្វើអ្វីផ្សេងជាច្រើន តែគាត់នៅតែជ្រើសរើសការងារជាគ្រូរបាំ ដោយសារតែក្ដីស្រលាញ់ ដើម្បីថែរក្សាមរតកមួយនេះឱ្យគង់វង្ស តកូនតចៅជារៀងរហូតទៅ ការលះបង់របស់អ្នកគ្រូគឺពិតជាធំធេងណាស់សម្រាប់ពួកយើងទាំងអស់គ្នាដែលជាកូនខ្មែរគ្រប់រូប…
R. ពេលវេលាអ្នកប្រែជាមនុស្សចាស់
ក្បាច់អ្នកចាំច្បាស់លោកថែណាស់ទ្រព្យអរូបី
កាយនឿយហត់លះបង់អត់ធ្មត់មិនស្ដី
មរតករស់មានតម្លៃនៃវប្បធម៌កម្ពុជា ។
៣. បួងសួងសូមអ្នកសុខគ្រប់គ្រា
ទុក្ខសោករោគានិរាសខ្ចាត់ខ្ចាយ
គតិបណ្ឌិតវាងវៃជោគជ័យជិតឆ្ងាយ
សូមសុខសប្បាយអាយុយឺនយូរ ។