ភ្លៀងធ្លាក់ថ្មីៗឲ្យខ្ញុំទុក្ខព្រួយ ព្រោះតែរូបអូនមួយ
ព្រួយអ៊ើយសែនព្រួយយល់តែសុបិន
បរឌិននៀវរំដួលប៉ៃលិន យើងព្រាត់គ្នាសិន
អូនអ្ហើយអ៊ើយអូនកុំបំភ្លេចបង។
ដីភូមិរ៉ឺត្រែប៉ាហ៊ីខ្ញុំអ៊ើយ បើអ្នកបានឮហើយ
សូមនាំចម្លើយប្រាប់ទៅស្រីផង
បរតាំងស៊ូភូមិច្រាអូរតង ធ្លាប់នាំនួនល្អង
កម្សាន្តសាសងមុជទឹកស្ពានយោល។
ពេលបងឃ្លាតស្រី ចិត្តសែនអាល័យ
ថ្លៃអ្ហើយស្រមៃឃើញតែស្រមោល
បរប៉ៃលិនសូមអូនកុំចោល
ឲ្យរៀមតែលតោលរស់ក្នុងភពលោកិយ។
ទូកចាកកំពង់លង់ចោលច្រវ៉ា បងដូចដួងតារា
រះឡើងពេលណាខ្វះតែរស្មី
អូរតាវ៉ៅបងដៅឈ្មោះស្រី ភ្នំយ៉ាតសាក្សី
ថាខ្ញុំស្នេហ៍ស្រីស្នេហ៍លុះអវសាន៕
26 авг 2024