ប្រវត្តិពិតស្នាដៃមាសបទ ឱ! ភ្នំពេញអេីយ តំណាងព្រលឹងជាតិ 

#កែវចិន្តា #ជ័យសោភា # ឱ! ភ្នំពេញអេីយ
ប្រជាជនខ្មែរគ្រប់រូបប្រាកដជាស្គាល់ និងចេះចាំយ៉ាងច្បាស់នូវបទដ៏ល្បីល្បាញមួយបទ មានចំណងជើងថា ឱ!ភ្នំពេញអើយ។
បទ ឱ!ភ្នំពេញអើយ ជាប្រភេទចម្រៀងស្នេហាជាតិមួយតំណាងប្រវត្តិសាស្រ្ត បានរៀបរាប់ពីមនោសញ្ចេតនាដ៏រំជួល និងការនឹករលឹករកទីបំផុតគ្មានចំពោះទីក្រុងភ្នំពេញដែលជារដ្ឋធានីបេះដូងនៃប្រទេសកម្ពុជា ក្រោយប្រជាជនខ្មែរឃ្លាតឆ្ងាយអស់រយះពេលជាង៣ឆ្នាំ ក្រោមរូបភាពនៃការជម្លៀសទាំងបង្ខំពីសំណាក់កងទ័ពខ្មែរក្រហមបិសាចភ្នែកស្រស់នៅថ្ងៃទី១៧ ខែមេសា ឆ្នាំ១៩៧៥។
បទនេះមានខ្លឹមសារមុតហែកចាក់ទម្លុះដួងចិត្តប្រជារាស្រ្តខ្មែរ ដែលបានឆ្លងកាត់របបប្រល័យពូជសាសន៍ខ្មែរក្រហមអោយនឹកឃើញមិនភ្លេច និងចងចាំចំពោះមហាករុណាទិគុណដ៏ថ្លៃថ្លាថ្ងៃ៧ មករា ១៩៧៩ ដែលប្រជាជាតិខ្មែរដ៏កំសត់រស់ជាថ្មីម្តងទៀត ដោយគុណបុណ្យរណសិរ្សសាមគ្គីសង្គ្រោះជាតិកម្ពុជា។
ថ្ងៃនេះ លោក វីរៈ វ៉ារ៉ានី ប្រធានក្រុមដំណើរខ្មែរ សូមធ្វើបទអធិប្បាយ រលឹកពីទិដ្ឋភាពខ្លះនៃផលិតបទឳ!ភ្នំពេញអើយ។