ផ្ទះនាងនួន/លំនៅឋាននិងការិយាល័យ ហុក សុកុល | ខេត្តសៀមរាប
ចរិតលក្ខណៈស្ថាបត្យកម្ម៥ចំណុចរបស់ផ្ទះនាងនួន៖
_ទំនើប
_ផ្សារភ្ចាប់វប្បធម៌និងប្រពៃណី
_ច្នៃប្រឌិដ្ឋ
_ឆ្លើយតបទៅនឹងការប្រើប្រាស់
_ផ្សារភ្ចាប់ទៅនឹងធម្មជាតិ (ដី ទឹក ខ្យល់ និងពន្លឺ)
ស្ថាបត្យកម្មផ្ទះនាងនួនបានបង្ហាញពីស្ថាបត្យកម្មខ្មែរទំនើប គឺមានការរួមបញ្ចូលគំនិតស្ថាបត្យកម្មប្រពៃណីខ្មែរ ព្រមទាំងបញ្ចូលគោលគំនិតវប្បធម៌ផងខ្មែរផងដែរ សាកសមជាស្ថាបត្យកម្មខ្មែរទំនើបឈរនៅលើទឹកដីចំណាស់មួយនេះ។ គោលគំនិតមួយដ៏ធំ ការពូនដីឲ្យទៅទីទួលខ្ពស់សម្រាប់ការសាងសង់ផ្ទះឲ្យផុតពីផ្លូវច្រើន ហើយការរចនាផ្ទះនេះឲ្យទៅជាថ្នាក់ៗដូចជាទម្រង់ភ្នំ អមទៅដោយចម្លាក់សេវលិង្គ និងយោនី ជាមួយនឹងទឹកហូរកាត់ផងដែរនោះ។ ជាការពិតណាស់គោលគំនិតនេះ គឺកើតចេញពីភ្នំគូលេនដែលជានិមិត្តររូបក្នុងការបង្កើតផ្ទះមួយនេះ។ លំនៅឋានមួយនេះក៏ត្រូវបានរចនាដោយមានគំនិតច្នៃប្រឌិដ្ឋដែរ ដូចជាការទាញយកទឹកអណ្ដូងយកមកប្រើប្រាស់ប្រចាំថ្ងៃ ដោយការបស្សុទ្ធទឹកទាំងនោះ តាមវិធីទាញទឹកអណ្តូងឲ្យឆ្លងកាត់លើផ្ទៃដំបូលហើយធ្លាក់ចូលអាងស្តុកទឹក និងចំណុចច្នៃប្រឌិដ្ឋផ្សេងទៀតដូចជា កាច្នៃគងវង្សជាឧបករណ៍ភ្លេងខ្មែរទៅជាអំពូលពិដាន ការច្នៃទ្វារឈើ និងបង្កាន់ដៃឈើយកមកប្រើប្រាស់ឡើងវិញជាដើម។ មួយវិញទៀតលម្ហនីមួយៗមានការតភ្ចាប់គ្នាបានយ៉ាងល្អ និងថែមឆ្លើយតបទៅនឹងតម្រូវការប្រើប្រាស់របស់ក្រុមគ្រួសារ និងម្ចាស់ផ្ទះដែលស្ថាបត្យកររចនានេះដោយផ្ទាល់ផងដែរ។
វិដេអូគាំទ្រដោយ Bravat Cambodia
គម្រោង: ផ្ទះនាងនួន/លំនៅឋាននិងការិយាល័យ ហុក សុកុល
ស្ថាបត្យករ: ហុក សុកុល
ទំនាក់ទំនងThe Gentry: Telegram 077 720 611
4 фев 2022