ពាក្យគ្រូពេទ្យជួរមុខជូនគូដណ្តឹង - ឆៃ វិចិត្រ - លំនាំបទ - និស្ស័យគ្រប់លក្ខណ៍ - ទំនុកច្រៀង - ស៊ុយ សុខា 

បទ៖ ពាក្យគ្រូពេទ្យជួរមុខជូនគូដណ្តឹង
ច្រៀងដោយ៖ ឆៃ វិចិត្រ
រៀបរៀងដោយ៖ វេជ្ជ. ថៃ សុភក្តិ
ទំនុកច្រៀង៖ ស៊ុយ សុខា
លំនាំបទ៖ និស្ស័យគ្រប់លក្ខណ៍
I. បានឮសូរសៀងសំនៀងពិសី រៀមរំភើបក្រៃ
សប្បាយហឬទ័យ ស្រាកនឿយកាយាអើយ
មេរោគកំណាចជ្រែកផ្តាច់ស្នេហា បំបែកបងនិងជីវ៉ា
ខុសក្តីប្រាថ្នាលើកការឆ្នាំក្រោយ។
II. គ្រូពេទ្យជួរមុខទុកជាតិជាធំ ត្រូវឃ្លាតឆ្ងាយម៉ុម
អូនអើយកុំយំ បងសូមលាហើយអើយ
តស៊ូតតាំងមិនរាថយឡើយ ព្យាបាលបងប្អូនឱ្យស្បើយ
យើងកុំកន្តើយរួមសាមគ្គីគ្នា។
R. បុប្ផាកណ្តាលបណ្តាលចិត្តបង នឹកដល់នួនល្អង
ធ្វើឱ្យរូបបងខំប្រឹងពុះពារ ទឹកចិត្តស្រឡាញ់ពេញចិត្តការងារ
ធ្វើការលែងខ្វល់វេលា ព្រោះមានពុំងារផ្តល់កម្លាំងចិត្ត។
III. អរគុណព្រលឹងទន្ទឹងចាំផ្លូវ ព្រោះពេលឥឡូវ
ឃ្លាតឆ្ងាយស្រីពៅ លែងបានកៀកកិតអើយ
តែក្តីស្រឡាញ់ជាប់នឹងវរមិត្ត កូវីដរលាយទៅបាត់
ស្រុកបានស្ងប់ស្ងាត់ យើងនឹងរៀបការ។
(ភ្លេងរួចច្រៀងវគ្គ R-III)