លោកស្រី ត្រឹង ងា អ្នកនិពន្ធខ្មែរផ្នែកវប្បធម៌ និងប្រវត្តិសាស្រ្ត បានអះអាងថា៖ «អ្នកតាជាព្រលឹងអ្នកស្លាប់ទៅហើយ តែនៅមើលថែរក្សាសុខទុក្ខ កូនចៅតរៀងទៅ»។
បញ្ហាជំនឿលើអ្នកតានៅក្នុងសង្គមខ្មែរ បានចាក់ឫយ៉ាងជ្រៅតាំងពីបុរាណកាលមក ហើយប្រជាជន ខ្មែរទទួលស្គាល់ឥទ្ធិពលស្ទើរតែក្លាយទៅជាច្បាប់ទម្លាប់ទៅហើយ ទោះបីមានលក្ខណៈអរូបីក៏ដោយ។ ជំនឿអ្នកតា ជះឥទ្ធិពលយ៉ាងខ្លាំងទៅលើជីវភាពរស់នៅរបស់ប្រជាជនខ្មែរដែលចាប់ទុកជា ម្ចាស់ទឹកម្ចាស់ដី។ ដូច្នេះហើយ មុននឹងដាំដំណាំកសិករ ត្រូវបួងសួងសុំទឹកភ្លៀង និងសុំម្ចាស់ដីដាំដុះ ជាពិសេស អ្នកដាំដំណាំ ត្រូវពឹងពីអ្នកតាមើលថែរក្សា ការពារកុំឱ្យមានសត្វល្អិត។ មនុស្សដែលមាន ជំនឿលើអ្នកតា ត្រូវបានទទួលថា ពួកគេត្រូវធ្វើអំពើល្អ ចេះស្គាល់កំហុសខ្លួនឯង ហ៊ានសារភាពកំហុសខ្លួនចំពោះមុខអ្នកតា ចេះនិយាយពិត និយាយត្រង់មិនបោកប្រាស់គ្នា (យកសម្បថជាសំអាង)។នៅពេលមានមនុស្ស ឬសត្វឈឺ គេទៅបន់ស្រន់ឱ្យអ្នកតាជួយ ទោះជាការជួយរបស់ អ្នកតា មិនមានប្រសិទ្ធភាពជាក់លាក់ក៏ដោយ ក៏ជំនឿនេះបានជួយលើផ្នែកផ្លូវចិត្តមនុស្សឱ្យមាន សង្ឃឹម អាចធូរស្រាលមួយកម្រិតដែរ។ រហូតមកដល់បច្ចុប្បនេះ ប្រជាជនខ្មែរនៅតែមានជំនឿលើ អ្នកតា នៅតែបន់ស្រន់ ទោះជាវិទ្យាសាស្រ្តរីកចម្រើនហើយក៏ដោយ ដូចពាក្យទំនៀមមួយឃ្លាថា «អាគមផ្សំអាយូស»។
ឧបត្ថម្ភ: ចូលរួមការពារ និង ផ្សព្វផ្សាយ សិល្បះវប្បធម៍បុរាណជាមួយខ្ញុំ
អេបីអេ / ABA 003494294
ទ្រូមានី / True Money 099332087
វីង / Wing 099332087
អីមានី / Emoney 099332087
ឯកសារយោង
សៀវភៅ «កម្រងឯកសារស្តីពីប្រពៃណី និងទំនៀមទម្លាប់ខ្មែរ»
កាសែតកម្ពុជាថ្មី « តោះ! ស្វែងយល់ពីទំនៀម »
2 окт 2024
